Sa scuntrar, avair in bun temp ensemen, sunar e sviluppar vinavant las abilitads musicalas. Quella pussaivladad porscha per exempel in champ da stad sco quel da l'Orchester instrumental da giuvenils dal Grischun. E quel han visità era quest onn bunamain 50 giuvnas e giuvens talents da musica. Per la segunda giada è l'Orchester da giuvenils stà sut la direcziun d'Ursin Widmer. Tge ch'ils giuvens han emprendì durant l'emna da chant sut la batgetta da lur dirigent e ses team da mainaregisters, avain era nus da RTR gì marveglias. Perquai avain nus visità in dals concerts ed avain registrà quel per Vus. Lur grondiusa prestaziun pudais tadlar en «L'instrumentala» dad oz.