Avant bun dus mais era Cuira daventada la citad svizra dal chant. In dals concerts da motto da la concurrenza svizra dals chors 2024 datti d'udir en l'emissiun dad oz. Noss chors dat in sguard enavos ad in'occurrenza cun grond success.

Tschintg chors èn sa preschentads la sonda ils 3 da favrer en la Baselgia Sogn Gliezi per il concert da motto «Klangliches». Il Chor viril Surses, il Frauenchor Bubikon, l'Ensemble Vocal DeMusica, il Gruppo Vocale Cantadonna ed il Kammerchor Notabene Basel. Els han chantà mintgamai pliras chanzuns sut il motto «dal tun». Saja quai cun variaziuns da vusch, cun instruments ubain cun «Body Percussion» – pia cun il corp sco instrument. L'emissiun dad oz preschenta insaquantas da quellas registraziuns.