La 13avla Festa federala da la musica populara Dals 19 als 22 da settember è stada a Crans Montana la 13avla Festa federala da la musica populara. Ina fin d'emna cun blera musica, inscunters, festas e tradiziuns. En la «Populara» dad oz dain nus in sguard enavos e laschain sunar diversas furmaziuns ch'èn sa partecipadas a l'emissiun «Zoogä-n-am Boogä» da la Musikwelle dal radio SRF. Quai èn las chapellas «Sondewend» e «Rickenbacher-Heinzer», la furmaziun «Ländlergiele Hubustein», la giuvna jodladra Célia Schwery e la «Oberbaselbieter Ländlerkapelle».