Er quest onn ha ella dà ina pluna tips da cudeschs. Uss vul nossa redactura da litteratura, Esther Krättli, savair da collegas da RTR tge ch'els ed ellas mettan sut il pignol da Nadal. In roman che tematisescha l'Uniun europeica, il destin trist d'in uffant che sto sa zuppar, l'istorgia d'ina via a Berlin tras ils temps, in thriller, nua che la protagonista svanescha da maniera misteriusa u l'aventura scurrila dal skiunz Franz Klammer che sgola tuttenina davent da la pista.

Sper quai la biografia da Roger Köppel, in cudesch da cuschinar cun mo tschintg ingredienzas, ma er in crimi che gioga en l'Engiadina.

Ideas per cudeschs ch'èn regals ideals per auters, ma er per leger sez.