Ils culms tutgan tar il Grischun sco la mar tar la Caribica – senza na pon ins betg s'imaginar ella. En quest'emissiun dechantan «Noss Chors» ils pizs.

La stad van blers en la muntogna a viandar, e l'enviern sin pista. Sch'ins ha cuntanschì la tschima, pon ins esser losch e survegn sco remuneraziun in panorama ed in'atmosfera tut speziala. Per in curt mument pon ins sa sentir sco la regina u il retg dal mund. Da quell'atmosfera e quels sentiments chantan «Noss Chors».