«Curiusa glieud che fa curiusas chaussas»? In inscunter cun l'ensemble ö!

L'ensemble ö! festivescha ses 20avel onn d'existenza, quai cun in program da giubileum che resta fidaivel al fil cotschen dals ultims decennis! Er en il futur vul questa furmaziun da musica classica contemporana porscher dapli che simplamain divertir ubain sunar bels concerts: ö! vul era reflectar fassettas dischagreablas da nossa vita, ö! ans envida a bandunar nossa zona da confort, ö! surpassa cunfins.

La Marella fa ina pausa da café cun David Sontòn Caflisch (violina & manader musical) e Riccarda Caflisch (flauta traversa) ch'èn en las ultimas preparativas per la stagiun da giubileum.