La fin d'avust è Lelja Maissen-Tasch morta cun 91 onns. Ina dunna spiertusa, independenta ch'è adina sa lubida in'atgna opiniun. Cun sa fatschentar cun la vita da dunna Lelja Maissen-Tasch han ins tranteren il sentiment da leger in cudesch d'istorgia. La perscrutadra da sauts populars è naschida en la Croazia dals onns 20 ed è uschia daventada perditga da la dictatura sut Alexander I, pli tard dal reschim faschist «Ustascha» e lura da la midada tar ina regenza communista. En memoria a Lelja Maissen-Tasch repeta la Marella in purtret realisà la primavaira dal 2015.