Al Tavulin litterar sa scuntran questa giada Clà Riatsch, professer da litteratura rumantscha a luniversitad da Turitg, e listoricher e romanist Martin Camenisch.«Moosflüstern» dal giuven autur grischun Joachim B. Schmidt e «Sco scha nüglia nu füss», la reediziun dal classic da lautura engiadinaisa Rut Plouda, quai èn ils dus cudeschs sin il Tavulin litterar.Las duas ovras tematiseschan relaziuns fitg differentas tranter figl e mamma. «Sco scha nüglia nu füss» è in dialog poetic tranter narratura ed uffant. Il jau stgaffescha il mund dal ti sa regurdond e siemiond muments tranter realitad e fantasia.«Tü sezzast sül ur dal tet et tirast aint ils stinvs. Ün di, dist, vegna davent. Eu vegn cun üna barcha oura sül mar e nu tuorn mai plü». (or da: Sco scha nüglia nu füss)Cun il pli nov roman da Joachim B. Schmidt viagiain nus cun in um en lIslanda. El va sin ils fastizs da sia mamma che al ha laschà enavos sulet avant blers onns. Chatta el respostas sin sias dumondas?