Tuns novs dals fragliunzs Fränggi e Maria Gehrig dal chantun Uri ed in disc per il 70avel da Willi Valotti. En la «populara» preschentain nus discs novs da diversas furmaziuns da tut la Svizra. Dal Appenzell vegn la chapella «Waldhöckler», da Berna la chapella «Enzian», dal chantun Lucerna il trio «Seebärggruess» e dal chantun Uri ils fragliunzs Fränggi e Maria Gehrig, che fan musica en in stil innovativ cun accordeon e clarinetta. In disc nov datti er da Willi Valotti e sia «Wyberkapelle», cun 19 tocs dal musicant e cumponist dal Toggenburg che ha ils 7 da fenadur ses 70avel.