Í dag og í morgin verður Dansieksperimentið 2019 sýnt fram í Norðurlandahúsinum.

Dansieksperimentið byrjaði fyri fimm árum síðani, tí fyriskipararnir hildu, at tað hendi ov lítið í dansiumhvørvinum í Føroyum.

Tað eru tær tríggjar, Diana Hansen, Rúna Volmarsdóttir og Andrea Joensen, sum skipa fyri.

Størsti parturin av dansarunum eru føroyskir ungdómar, men tað eru eisini yrkisdansarar úr USA, Kanada, Norra og Danmark við, umframt føroyskir yrkisdansarar.