शहरातील निमखेडी शिवारात घराच्या गच्चीवर एसीच्या कॉम्प्रेसरमधील वीजेच्या धक्क्याने केशव ललीत चव्हाण (वय 6) या बालकाचा मृत्यू झाल्याची घटना गुरुवार, 2 सप्टेंबर दुपारी तीन वाजता निमखेडी शिवारातील विठ्ठलवाडीत घडली.

तालुक्यातील दुधाळे येथील पिडीत अल्पवयीन मुलीस लग्नाचे आमिष दाखवून पळवून नेवून तिच्यावर अत्याचार करणार्‍या आरोपीस जिल्हा प्रमुख व सत्र न्यायालयाने जन्मठेपेची शिक्षा सुनावली आहे.

अरुणावती नदीवरील करवंद धरण पूर्ण क्षमतेने भरले असून सांडव्यावरून पाणी वाहत आहे. अशी माहिती पाटबंधारे उपविभागाचे सहाय्यक अभियंता सचिन शिंदे यांनी दिली आहे.

अहमदनगर जिल्ह्यातील ठळक घडामोडी

अनेक दिवसांच्या विश्रांतीनंतर सलग दुसर्‍या दिवशीही पावसाने जोरदार हजेरी लावली. सायंकाळी सुरु झालेल्या पावसाचा रात्रीच्या सुमारास जोर वाढल्यामुळे चाकरमान्यांसह सर्वांचीच धांदल उडाली. राज्यासह जिल्ह्यात गेल्या आठ ते दहा दिवसांपूर्वी सलग आठवडाभर पाऊस झाल्याने शेतकर्‍यांना दिलासा मिळाला आहे. 

शिंदखेडा शहरातील माळीवाडा येथे राहणार्‍या तरूणाने आत्महत्या केली आहे. जयेश सुभाष भामरे (वय 28) असे त्याचे नाव आहे. त्याने गुरूवारी रात्री साडेअकरा वाजेच्या सुमारास राहत्या घरात लाकडी सर्‍याला सुती दोरीच्या सहाय्याने गळफास घेतला.

नंदुरबार जिल्हयात गेल्या दोन दिवसांपासून दमदार पावसाने पुनरागमन केले आहे. गेल्या काही दिवसांपासून दडी मारलेल्या पावसाने जोरदार हजेरी लावल्याने जिल्हयातील नदीनाल्यांना पूर आले आहे. शहादा येथील गोमाई नदीला मोठा पूर आला आहे. संततधार पावसामुळे काही घरांमध्ये पाणी शिरले असून अनेक घरांची पडझड झाली आहे. दरम्यान, तापीकाठच्या गावांना सतर्कतेचा इशारा देण्यात आला आहे.