दैनिक देशदूतचे मॉर्निंग बुलेटीन (दि ०३ ऑगस्ट २०२१)

आजचे दिनविशेष (दि ०३ ऑगस्ट २०२१)

तालुक्यातील मोराणे शिवारातील हरण्यामाळ तलाव परिसरात सेल्फी घेतांना तलावात पडल्याने तरुणाचा बुडून मृत्यू झाला. काल सायंकाळी ही दुर्देवी घटना समोर आली. सकाळी एसडीआरएफ टीमकडून शोध सुरू असतांना गळाव्दारे तरूणाचा मृतदेह मिळून आला. 

नंदुरबार जिल्हयातील कोविड कक्षात दाखल असलेले चार रुग्ण आज कोरोनामुक्त झाल्याने त्यांना कोविड कक्षातून डिस्चार्ज देण्यात आला आहे. शहादा तालुक्यात उपचार घेत असलेला अखेरचा रुग्ण कोरोनामुक्त झाल्याने शहादा तालुका तुर्तास कोरोनामुक्त झाला आहे. सध्या जिल्हयात 9 कोरोना रुग्ण असून त्यांच्यावर उपचार सुरु आहेत.

शहरातील विविध सामाजिक, शैक्षणिक, सेवाभावी संस्थांतर्फे लोकमान्य टिळक यांच्या पुण्यतिथीनिमित्त आणि लोकशाहीर अण्णा भाऊ साठे यांच्या जयंतीनिमित्त अभिवादन करण्यात आले. दरम्यान, विविध संस्थांनी यानिमित्ताने सामाजिक उपक्रम राबवून लोकमान्य टिळक आणि अण्णा भाऊ साठे यांचे स्मरण केले.

राहुरी तालुक्यातील आठवड्यातील आढावा

अहमदनगर जिल्ह्यातील ठळक घडामोडी

साथीच्या आजरांना आळा घालण्यासाठी दि,  1 ऑगस्ट पासून स्वच्छता संकल्पना देश हे अभियान राबविण्यात आले. महापालिका इमारतीच्या परिसरात लोकप्रतिनिधींसह मनपाच्या अधिकार्‍यांनी ज्याठिकाणी संपुर्ण स्वच्छता आहे त्याठिकाणी फोटोसेशन करीत अभियानाचा शुभारंभ केला. दरम्यान मनपाच्या इमारतीसह शहरातील निवडलेल्या ठिकाणी स्वच्छता करीत त्याठिकाणाहून सुमारे 20 टन कचर्‍याचे संकलन करण्यात आले.

राष्ट्रीय लोकअदालतमध्ये एक हजार 173 प्रलंबित प्रकरणे व दाखलपुर्व सात हजार 697 प्रकरणे अशी एकूण आठ हजार 870 प्रकरणे समोपचाराने निकाली काढण्यात आली. तर  24 कोटींची नुकसान भरपाई वसुल करण्यात आली. 

शहादा तालुक्यातील लोंढरे येथील एका शेतकरी कुटूंबातील आई, वडील व मुलाने तापी नदीपात्रात उडी मारून आत्महत्या केली होती. आत्महत्येस प्रवृत्त केल्याप्रकरणी पत्नी व सासूस अटक करण्यात आली आहे.