Día a Día

Dende mañá venres e até o luns Guillarei vivirá catro xornadas de música, tradición, gastronomía e festa nas súas Festas na honra á Virxe das Dores.

Hoxe coñecemos os detalles e a historia do cartel deste ano con José Ferreira e Maike Rodríguez, da Comisión de Festas.

A Ruta da Pedra Santa abrirá o próximo domingo, 27 de setembro, a proposta outonal das Andainas da Eurocidade Tui-Valença. Será un percorrido de 7 quilómetros de dificultade doada. Sairá ás 10 h da ponte da Veiga do Louro.

Claudia Montes, da empresa Altitude, que guiará o percorrido, daba todos os detalles desta actividade que ten un prezo de 6€ por persoa. É preciso inscrición previa. Haberá outras tres andainas, dúas en Valença, e outra no Monte Aloia en Tui.

“Mundos paralelos” é o título da primeira novela da tudense Aroa González. Estudante de xornalismo presenta mañá este primeiro libro co que abre unha triloxía de fantasía, drama e romance.

A cita mañá será ás 20 h no Espazo Sociocultural da rúa Camilo José Cela nun acto presentado pola xornalista Andrea Carrera.

Can Aroa González coñecemos algúns detalles da súa obra.

Do 16 ao 18 de outubro Tui converterase na capital da literatura fantástica coa celebración na cidade de Tuidcon, a convención anual deste xénero literario. Durante tres días a cidade acollerá máis de 45 actividades con charlas, mesas redondas, presentacións literarias, unha feira.

Esta convención anual, denominada Hispacon, celébrase en España dende 1969. A celebración en Tui é todo fito e será a cuarta ocasión en que se celebre en Galicia.

A concelleira de Cultura, Sonsoles Vicente, e a escritora tudense e membro da organización, Conchi Regueiro, destacaron o fito que supón para a cidade acoller este evento.

Teatro, playbacks, música e gastronomía forman parte da Semana Cultural de San Miguel que este venres comeza en Pazos de Reis organizada pola Asociación Cultural Aloia.

Eva Pazo e Miguel Enríquez, da asociación Aloia, deron conta da programación prevista tanto esta fin de semana coma a próxima. Tamén falamos con Stephy Llaryora que actuará este domingo.

210 alumnos e alumnas realizarán estudos musicais no Conservatorio e na Escola de Música de Tui neste curso escolar 2026-27. Este luns comezaron as clases no centro. Do inicio do curso falamos co director do Conservatorio, Rubén López.

O edificio da praza da Inmaculada en Tui acollerá do 9 ao 12 de outubro Espazos Efémeros. É unha iniciativa de Galicia Suroeste, en colaboración co Concello de Tui, que busca dar a coñecer iniciativas vinculadas ao territorio coa presentación e venda de produtos e servizos.

A inscrición está aberta até o 24 deste mes en galiciasuroeste.gal. Coñecemos todos os detalles con Ana Núñez, concelleira de Comercio e Turismo, e Eva Gil, técnica de Galicia Suroeste.

En Noticias 13.30 h recollemos as principais novas deste martes, 15 de setembro:

- A contratación da “Renovación das instalacións do alumeado público exterior do Concello de Tui” é o punto a tratar esta tarde no pleno extraordinario do Concello de Tui

- Enrique Cabaleiro, alcalde de Tui, fai balance dos proxectos executados e das obras en marcha

- O próximo luns comeza en Tui un curso gratuíto de Atención Sociosanitaria

- Un total de 55 establecementos participan na campaña de promoción do comercio local de ACITUI "Remata as vacacións cun sorriso" que conclúe hoxe

- O Cineclub Tui proxecta hoxe "Eo" en dobre sesión ás 18.30 h e ñas 20.45 h

- O piloto tudense Saúl Vaz participarán en dúas semanas no Campionato de España

A xornada “SIBE 2026: Territorios sonoros: identidad, poder e resistencia, que organiza a Sociedade de Etnomusicoloxía” celebrarase o 5 e 6 de decembro en Tomiño e Cerveira. Hoxe coñecemos que é este evento e como se vai desenvolver con Adrián Besada, organizador do mesmo.

As propostas poden enviarse até o 1 de outubro. Toda a información en sibetrans.com

Un total de 55 establecementos participan na campaña de promoción do comercio local "Remata as vacacións cun sorriso" que conclúe no día de hoxe. Teñen xa distribuídas máis de 3000 papeletas para o sorteo de de 5 vales de 30 € a consumir nos establecementos participantes. O sorteo realizarase o martes 29 na nosa sintonía. Así nolo contou Pepe Míguez, presidente de ACITUI.