Día a Día

Teatro, fantasía escrita por mulleres, Historia, videoxogos, Aznarcon 2026 ou o encontro de Rosa Montero e Mafalda Santos son algunhas das actividades que haberá o sábado 17 de outubro na TuidCon HispaCon 2026, a convención de literatura fantástica que se celebra en Tui do 16 ao 18 do próximo mes.

Conchi Regueiro, escritora tudense e membro da organización detallou a programación do segundo día da convención.

Hoxe no noso Espazo Comercio o presidente de ACITUI valorou a campaña Remata as vacacións cun sorriso, na que participaron case 2.400 papeletas.

Amais, avanzou que este sábado 3 ás 20 h no Espazo Sociocultural presentan a campaña polos 30 anos de ACITUI.

Unha churrascada e a terceira edición da andaina nocturna Terrordáns son as dúas citas que organiza estas semanas a Comisión de Festas de Rebordáns.

Hoxe ofreceron toda a información de ambas actividades Ángel Vila e Ismael Felgueiras, membros da comisión.

“Ven coñecer Ribadelouro connosco” é o título de ruta guiada por Leticia Rodríguez que a Asociación Cultural Santa Columba organiza para este sábado 3 de outubro ás 17 h dende o Centro Cultural. Así nolo contou Mar Rodríguez, da Asociación Santa Columba todos os detalles desta ruta que profundará na historia da parroquia. A inscrición está aberta até este mercores no 661 334 076 cun prezo de 5 € por persoa.

Mar Rodríguez avanzou tamén as clases que terán este novo curso.

Mañá martes o Cineclub Tui proxecta "A sombra do meu pai", unha película nixeriana do director Akinola Davies. Será no Espazo Sociocultural da rúa Camilo José Cela con dobre sesión: ás 18.30 h e 20.45 h. A entrada é gratuíta para persoas socias e menores de idade, e 2€ para público xeral.

Pablo Romero, do Cineclub Tui, avanzou amais a Semana de Cine que celebran dende o 5 ao 11 de outubro.

O ingrediente de temporada esta semana en Raíces e vangarda son os bivalvos. Hoxe cociñamos ameixas mariñeiras, unha receita do chef Judicael Romero.

Os próximos 1 e 2 de outubro celébrase na Universidade de Vigo o 18º Congreso Internacional de Turismo ao abeiro do proxecto VISIT_RIO_MINHO_PLUS, do que o Concello de Tui forma parte.

Elena Rivo é doutora en Organización de Empresas e docente na UVigo, e hoxe avanzou contidos que se van a abordar no Congreso. Convidou amais ás persoas interesadas a asistir, xa que o acceso é aberto.

A casa do concello de Tui iluminarase esta noite de verde para conmemorar o Día Mundial do Farmacéutico que este ano ten por lema “Fortalecendo a saúde co farmacéutico".

Conchi Martínez, farmacéutica, profundou hoxe no programa Día a Día no labor que desempeña o Colexio de Farmacéuticos de Pontevedra e da cadea de saúde da que forman parte os e as profesionais farmacéuticas.

A Coral San Telmo de Tui organiza para mañá sábado, 26 de setembro, ás 19.30 h na igrexa de San Domingos o IX Festival de Outono. Participarán a Coral Polifónica de Berres (A Estrada), o Ochote Langreano e Coro Cantus Mulier (Asturias), e os organizadores, xunto ao grupo rosaleiro Lirolai.

Maribel Pérez e Alfonso Ferreira, membros da Coral San Telmo contáronnos hoxe como se vai desenvolver o festival.

A Banda de Música Cultural de Salceda de Caselas, formada por máis dun centenar de músicos, ofrecerá mañá sábado ás 20 h no Teatro Municipal Tui un concerto.

No mesmo van interpretar o programa co que van participar o 11 de outubro no Certame Galego de Bandas de Música. Jorge Macedo, director da Banda, explicou elixiron coma lema "O mar como espello do noso tempo" entorno ao que artellaron o programa do concerto.