Este venres 13 ás 19 h o Liceo Casino de Tui acolle un taller teórico-prático impartido por profesionais do Centro Anarela. Leva por título "Eixo intestino-cerebro" e versará sobre os sinais que dá o corpo cando algo non está equilibrado.

As inscricións poden realizarse en Anarela ou no Casino, segundo explicaron hoxe Noelia Pérez, psicóloga sanitaria; e Esther González, nutricionista, de Anarela.

Até o 7 de abril está aberto o prazo de inscrición para a Carreira Popular Solidaria San Telmo II Memorial Xosé Tato, que se celebra o sábado 11 de abril en Tui. Unha cita que será solidaria con SOS Tomiño - Baixo Miño.

Unha proba popular e deportiva xa afianzada na programación das festas, como explicaron hoxe Rafael Estévez, concelleiro de Deportes; e Laura Solla, do Club Atletismo Tui.

Catro alumnas e alumnos do IES Indalecio Pérez Tizón son finalistas do programa Innovatech 2026, no que a Xunta de Galicia plantexa 20 retos de innovación dixital para todos os graos de formación profesional.

No caso do instituto tudense, acolléronse ao reto 2, de L’Oréal, de innovación dixital para a xestión integral de salóns de perruquería. Crearon unha aplicación móbil para organizar citas.

Hoxe coñecemos os detalles coas alumnas Edurne Estévez e Lucía Amendi; os alumnos Kawan Álvarez e Pablo Gómez; e a profesora María Jesús Garbín.

Marga do Val e o Tyde FC son os premios Cidade de Tui de 2026. Así o confirmou hoxe o alcalde de Tui, Enrique Cabaleiro, destacando coma este galardóns valoran o compromiso coa cidade e coa cultura.

Na nosa sintonía tamén se referiu as obras de renovación da iluminación artística da Catedral que comezan esta semana, e fixo balance do primeiro mes dende a entrada en vigor da nova ordenanza reguladora da zona azul.

A doutora tudense Carmen Rodríguez Cerdeira é dende o pasado venres a coordinadora do Grupo Español de Investigación en Dermatoloxía Psiquiátrica que celebrou en Tui a súa reunión anual.

Hoxe con Carmen Rodríguez Cerdeira abordamos que supón ser a coordinadora do grupo, as conclusión das ponencias celebradas en Tui e tamén avanzou a viaxe que realizará a México para impartir unha serie de ponencias na Universidade de La Puebla.

Vinte mulleres creadoras van participar este sábado e domingo no II Mercado Elas Facedoras no Espazo Sociocultural. O evento contará tamén cun amplo programa de actividades cunha mesa redonda, concertos e un monólogo.

Coñecemos todos os detalles con Ana Núñez, concelleira de Igualdade, e con Paula Cabaleiro, comisaria de Elas Facedoras. O evento forma parte da programación do 8M organizada polo Concello de Tui.

Un bingo musical, tutifruti, sesión vermú e o bingo de final de temporada son as actividades que organiza este mes a Comisión Amigos da Festa de Rebordáns.

Hoxe coñecemos todos os detalles destas citas, que comezan xa esta fin de semana, con Ismael Felgueiras e Martín Álvarez.

Hoxe falamos co artista tudense Carlos Fer, que este ano foi o encargado de deseñar o cartel das Festas de San Telmo 2026.

Contounos como recibiu a noticia, o proceso e deu detalles sobre o propio deseño. Tamén falamos dos proxectos nos que está a traballar.

O pasado venres comezou a ruta Tú-y D'Tapas promovida por ACITUI.

Hoxe no tempo do Espazo Comercio coñecemos como foi a primeira fin de semana desta iniciativa gastronómica e cales son as tapas que ofertan dous dos 18 establecementos participantes con Marina López de Biper e Manu Garrido de La de Manu e La Terraza del Miño.

Raíces e vangarda únense cada luns ás 11.30 h no espazo gastronómico co chef Judicael Romero. Hoxe deu a receita de costelar de cordeiro e gratén de patacas "ao pobre".