Día a Día

O Teatro Municipal de Tui acolle mañá venres, ás 20.30 h, un festival de Playbacks no participarán os grupos infantís das asociacións A Insua de Caldelas, Lembranzas da Terra de Guillarei e Xuntanza de Randufe.

Lidia Diz, Belén Diz, Alba Rodríguez e Marta Dacuña responsables dos grupos participantes déronnos todos os detalles e animaron a asistir mañá ao festival. A entrada será libre.

Hoxe xoves ás 20 h o Espazo Sociocultural, da rúa Camilo José Cela, acollerá a presentación da novela “Las llaves de Sefarad: el misterio del legado” de Ignacio Javier Bona López, arqueólogo e historiador, que entrelaza o pasado medieval de España cunha conspiración na actualidade. Este acto enmárcarse no Setembro Xudeu.

Hoxe conversamos con el sobre Sefarad, sobre Tui como punto esencial nesta novela e do poder da memoria como tesouro dun pobo.

Máis de 40 actividades formarán parte da TuidCon Hispacon 2026, a convención anual da literatura fantástica que se celebra en Tui do 16 ao 18 de outubro. Hoxe abrimos unha serie de conversas baseadas nesta convención para ir desgranando detalles da programación.

Hoxe falamos con Conchi Regueiro, escritora tudense e membro da organización, sobre as actividades da primeira xornada e sobre a necesidade de persoas voluntarias para colaborar na convención.

Cucapuntoes cambia a súa ubicación a partir do 3 e outubro. Despois de tres anos na rúa Camilo José Cela, abrirá as súas portas na rúa Rosa Bahamonde.

Así nolo contou Salomé Fernández, de Cucapuntoes, no noso Espazo Comercio, en colaboración con ACITUI.

A primeira fin de semana de outubro o Monte Torroso, en Salcidos (A Guarda), acollerá a terceira edición da Festa Cultural e Gastronómica. Haberá diversas actividades, como un Concurso de Escultura en Pedra ou unha demostración de talla en madeira con motoserra.

Ademais, haberá actuacións musicais con Arume de Malvas, Quedequé ou Os ventos do Minho, entre outros. Hoxe coñecemos toda a programación con Manuel Benito, da Comunidade de Montes de Salcidos, que organiza a festa.

Na nosa sección semanal Raíces e vangarda, hoxe luns cociñamos co chef Judicael Romero arroz meloso de polbo.

Ademais, deu trucos e consellos para conseguir o arroz perfecto, co caldo e fumet como base.

Humor, teatro, música, danza, historia ou monicreques é o que haberá na programación teatral de outono en Tui. A partir do próximo venres 2 de outubro o Teatro Municipal acollerá sete citas, das que hoxe daba hoxe os detalles a concelleira de Cultura, Sonsoles Vicente.

A cineasta tudense Diana Gonçalves inaugura no mes de outubro “Transfronteiriza” no Museo do Pobo Galego. Trátase dunha expo-instalación que contará cun eixo vertebrador: a presenza da "barca dos Pepes", que esta fin de semana foi trasladada dende o Miño até Santiago de Compostela.

Conversamos con Diana Gonçalves sobre este proxecto e sobre o reto que supón un traslado coma este, dunha barca de 350 kilos.

170 deportistas participan dende hoxe no XII Torneo de Tenis Eurocidade Tui-Valença, que organiza o Club Tenis Tui. Serán 10 días de partidos que se van a disputar nas pistas de Areas e nas de Valença.

Hoxe déronnos os detalles Jorge González e Germán Soutelo, do club organizador.

Tui conta por vez primeira cunha editorial de libros. O escritor, músico e editor Francisco Castro crea “Moléculas Editorial”, volvendo así a esta industria cun selo propio, despois de abandonar a dirección de Galaxia hai tres anos.

Hoxe coñecemos que é Moléculas, e as características que teñen xa os seus libros.