Este mércores ás 22 h pecha a inscrición para a Carreira Popular de San Telmo, en https://clubatletismotui.wordpress.com/. Esta proba deportiva, que terá carácter solidario con SOS Tomiño-Baixo Miño, celebrarase este sábado pola mañá. Falamos da mesma con Laura Solla do Club Atlestismo Tui.

Nas Festas de San Telmo este sábado ás 00 h no Espazo Feiral actuará Fillas de Cassandra presentando o seu novo espectáculo "As últimas Dionisíacas". Hoxe falamos con María Soa do concerto e da súa carreira musical.

A actriz Isabel Blanco será a responsable este sábado, ás 12.45 h, de dar lectura ao pregón das festas de San Telmo 2024, na praza da Inmaculada ou no caso de choiva na carpa da Corredoira. Con ela falamos esta mañá no programa Día a Día.

A visita aos monumentos mañá pola tarde é un dos actos destacados da Semana Santa en Tui xunto á procesión do Encontro e a do Santo Enterro. Nos monumentos destaca o Horto das Oliveiras na Capela da Misericordia que este ano e poderá visitar até despois de San Telmo. Así nolo contaron hoxe Jorge Gonçalves Murta e Jose Carlos Cardoso da Irmandade do Doce Nome de Xesús e Santa Casa da Misericordia. Tamén facía un chamamento a que novas persoas que sumen coma costaleiros na procesión do Venres Santo pola mañá.

Todo listo en Tui para o inicio das festas de San Telmo este sábado 30 de marzo. A concelleira de Cultura, Sonsoles Vicente, convidaba hoxe a gozar de todo o programa festivo. Lembraba que tanto na Corredoira coma no Espazo Feira hai carpas para a celebración dos eventos, se o tempo non acompaña.

O músico tudense Manuel Madarnás ofrecerá un concerto este domingo 31 ás no Espazo Feiral, presentando o seu novo disco La MMarca 2.

Previamente o xoves ás 22 h actuará na Sala Sinatra de Vigo presentando o seu novo álbume do que leva case 20 concertos dende decembro. Estará acompañado de 20 músicos e de 4 artistas convidados, os músicos de Micalip's, a cantante Agustina Guzman, e o clarinetista Javier Pousa.

O grupo tudense "Ola de Calor", formado por Clara, Javi, Pablo e Bruno, vén de gravar "Chica de provincias" o seu primeiro tema que gravaron con Jorge Pimentel.

O grupo naceu no verán de 2022 e hoxe viñeron presentarnos esta composición.

No programa Día a Día hoxe recibimos a visita de Gface para presentarnos o seu novo tema "Siete Vidas", que tamén interpretou en directo no programa. Con el a falamos do momento actual da súa carreira musical e do seu labor tamén coma compositor.

Uriel Perles imparte esta semana no Centro Sociocomuntario de Tui un curso Urban Sketching. Con el coñecemos máis desta técnica de debuxo e tamén todos os detalles do curso.

Este sábado, 30 de marzo, ás 19 h na Gala que se vai celebrar no Teatro Municipal a Asociación Amigos da Catedral vai recibir o Premio Cidade de Tui na categoría de colectivo.

Hoxe falamos deste recoñecemento con Dolores Balseiro quen transmitiu a sorpresa e agradecemento da Asociación que preside o seu marido, Eduardo Cadenas dende hai 30 anos. Ela sempre estivo aí e lembraba o impulso inicial de D. Domingo Cameselle, a Manuel Martínez que foi o primeiro presidente, e ampla labor realizada ao longo de máis de tres décadas. Tamén facía un chamamento á incorporación de novas persoas para continuar co este labor.