No Complexo Deportivo Eureka en Nigrán terá lugar esta fin de semana un partido exhibición de tenis en cadeira de rodas Contact Point Yamarco. Coñecemos os detalles con Teo Corriente. Será a partir das 10.30 h

A Asociación Vontade organiza un taller teórico práctico sobre a disfaxia.Está aberto a todas as persoas que poidan estar interesadas. Co título "O bo comer" realizarase o próximo luns, 29 de xullo, de 10 a 12.30 h. É gratuíto para as persoas socias de Vontade e as non socias deberán aboar 10€. Pódese ampliar a información e inscribirse en [email protected] ou no 986 62 30 44. Hoxe falamosc on Michelle Tito, a logopeda de Vontade, que impartirá o taller.

Matías Otero, padeeiro do Club Kaiak Tudense, participará nos Xogos Olímpicos de París representando ao seu país Uruguai en K1 1000m o próximo mércores, 7 de agosto, ás 10.40 h. Dende decembro de 2020 vive en Tui. Con el falamos hai uns días no programa Día a Día.

O remeiro Rodrigo Conde do Club Remo do Miño competirá nos Xogos Olímpicos de Paris en 2x xunto a Aleix García. Este sábado comezarán xa coas eliminatorias. Con el falamos no programa Día a Día.

O padeeiro tomiñés do Club Deportivo Miño Teixugos, Manuel Ochoa, competirá nos Xogos Olímpicos de París en Kaiak Cross. No programa Día a Día falamos con el desta importante cita e das súas expectativas.

O Club Bádminton Tui vai realizar un Campus destes deporte no mes de agosto no pavillón do IES San Paio con xogos e actividades deportivas. Será os martes e xoves con dúas quendas de 10 a 11.30 h e de 11.30 a 13 h, podendo ir hora e media ou as tres horas.Está aberto a calquera persoa interesada. As persoas interesadas poden inscribirse no 696 985 973.

Manuel Lage, sacerdote e chanceler-secretario da diocese de Tui-Vigo - Ordenación e toma posesión novo bisp Manuel Lage, sacerdote e chanceler-secretario da diocese de Tui-Vigo - Ordenación e toma posesión novo bisp

A Fada do Aloia ten previstas dúas rutas esta fin de semana. Mañá se o tempo o permite realizará "A casa da Lontra”, o domingo "Quen canta aí?" e para o próximo mércores levará a cabo unha nova "Noite máxica". Así nolo contou hoxe Natalia Lago.

O Club Náutico Inclusivo Baixo Miño conta dende esta semana cunha cadeira anfibia. Hoxe Carlos Estévez deunos conta das características desta cadeira e do servizo que vai prestar ás persoas con mobilidade reducida. Tamén nos explicou como solicitala.

Avanza a programación do IKFEM. Esta noite nas cortinas de San Francisco terá lugar a estrea da Orquestra Sinfónica da Eurorrexión Galicia-Norte de Portugal. A vella Ponte Internacional cortarase dende ás 5 desta próxima madrugada para acoller a partir das 12.30 h a Ponte Creativa con gastronomía, creatividade e música, e mañá sábado á noite terá lugar no Teatro Municipal o concerto de Mario Laginha e Chano Domínguez. Por último o domingo pecharase a programación co Coro de la Orquesta Sinfónica de Galicia & Adrián Regueiro. Contounolo esta mañá a directora do festival, Andrea González.