Case 120 nenos e nenas está a participar este mes de xullo no Campus de Fútbol Sala Toñín Martín que organiza A Quinta de Tui.

Ao longo destas semanas realizadas diversas actividades e reciben visitas especiais que comparten con eles e elas as mañás. Hoxe é o caso das xogadoras Marta Rodríguez e Vane Barberá do Ourense OnTime Fútbol Sala, e que foron internacionais coa seleccións española. Hoxe acompañáronnos no programa Día a Día xunto a Xacobe Morais.

A vella Ponte Internacional Tui-Valença converterase este sábado nunha ponte creativa dentro do IKFEM. Na programación prevista ao longo da xornada están os showcookings que realizarán Óscar Geadas, do restaurante G Pousada Estrella Michelín, e Begoña Vázquez do restaurante Regueiro da Cova, Mellor Cociñeira Galega 2024 do Fórum Gastronómico. Hoxe falamos con elas dos pratos que van elaborar este sábado na Eurocidade e tamén da súa cociña.

Hai ano e medio que ORPAGU abriu a súa planta no Parque Empresarial de Areas. Hoxe Juana Parada, a súa xerente, deunos conta das ofertas que de emprego que teñen neste momento no tempo do Club de Emprego.

O próximo mércores, 17 de xullo, comeza o IKFEM Festival. Hoxe coñecemos os detalles desta nova edición coa súa directora Andrea González. Falounos do lema #SomosPonte, dos concertos, da ponte creativa, das entradas para o festival, do Balcón do IKFEM,....

A empresa Verdeazul leva máis de dúas décadas organizando descensos nocturnos en piragüa no verán. Unha experiencia que volverán a repetir este ano como nos explicou Mercedes Martín. Tamén nos deu conta dos outros servizos que ofertan.

A preservación e a promoción da cultura mariñeira local é o obxectivo da Festa Rosegha que organiza a Asociación Piueiro na Guarda baixo o lema "Unindo Pobos". Celébrase dende hoxe e até o domingo con conferencias, exposicións, concertos e actividades infantís. Así nolo contou Joaquín Cadilla da Asociación O Piueiro, organizadores do evento.

Novo recoñecemento para o CEIP nº2 de Tui nun curso especial xa que celebra o seu 50 aniversario. O Ministerio de Educación, Formación Profesional y Deportes outorgoulle o distintivo de calidade de centros docentes “Sello Vida Saludable 2024”. Falamos do mesmo con Ramiro García Entenza, director CEIP nº2.

Máis de 800 racións teñen previsto servir esta fin de semana na 31ª Romaría do Polbo en Baldráns que se celebra este sábado. O alcalde de Tui, Enrique Cabaleiro, dará o pregón das festas do Santo Cristo da Agonía que se celebrarán até luns, e nas que actuarán a Banda de Gaitas A Insua de Caldelas e a Banda de Música Popular de Tui. Tamén contará co trío Salero, o grupo Ritmo, as orquestras La Fórmula e Solara e os dj Anxo Silva e Gabri Alonso. O domingo contarán con pantalla para ver o partido de España na final da Eurocopa.

Proseguimos as conversas cos representantes dos grupos políticos da corporación con Nicolas Lorenzo Montes, voceiro do PP de Tui, valorando o pleno do xuño cos orzamentos e a resolución do contrato do aparcamento. Tamén deu conta que hoxe terán reunión co equipo de goberno para negociar sobre as contas deste ano. Por outra parte valorou o primeiro ano do actual mandato, e lle preguntamos polo seu novo cargo de director territorial da Conselleira de Medio Ambiente, do que tomou posesión o martes.

Dende mañá xoves até o domingo celébrase nos xardíns de Elduayen en Vigo a quinta edición do Vigo Sea Fest. Un evento que ten coma obxectivo dar visibilidade e incrementar o consumo de peixe. A gastronomía, da man de prestixiosos cociñeiros será protagonista pero o programa abrangue un amplo conxunto de actividades nas que non falta nin a música nin o deporte.

Falamos con Javier Touza, presidente de ARVI, a Cooperativa de Armadores de Vigo, que organiza este evento.