O número de casos acumulados de COVID19 en Tui a 7 días son 19, e a 14 días con 37. Asi llo transmitiron ao alcalde de Tui, Enrique Cabaleiro, dende o Centro de Saúde. Nas últimas xornadas tense rexistrado unha tendencia á baixa, pero non se pode baixar a garda. Así o afirmaba o rexedor tudense quen insistía unha vez máis na chamada á responsabilidade. Tamén se referiu ao investimento de máis de 500 mil euros do 1,5% Cultural na Catedral de Tui

Falamos coa alcaldesa de Tomiño, Sandra González, fai un chamamento a responsabilidade pola situación "moi preocupante" que rexistra esta localidade respecto da incidencia da Covid-19. Os datos de hoxe falan de 45 novos casos diagnosticados nos últimos 14 días.

Tui continúa coas mesmas medidas restritivas de nivel alto e peche perimetral. O nivel de incidencia da COVID 19 en Tui segundo os últimos datos de Sanidade son 47 novos casos rexistrados nos últimos 14 días, e unha incidencia superior aos 250 casos/100 mil habitantes. O alcalde, Enrique Cabaleiro, indicaba que "Estamos nunha situación non mellor que cando se inicio o peche perimentral". Nese senso indicaba que o 21 de novembro había 41 novos casos e hoxe son 47. Agarda que continuemos na liña descendente de contaxios que se ten marcado nas últimas xornadas.

ACITUI pon en marcha o próximo luns a campaña "Este Nadal segue a estrela de ACITUI" co obxectivo de incentivar o consumo local. Coas compras realizadas nos establecementos asociados sortearanse 2000€ en vales de 50€.

Entrevistamos hoxe a Salvador Martínez, responsable da empresa Mirabel do Roseira. Este producto, o Mirabel do Rosal, é un dos seis premiados cos Premios BBVA aos mellores productores sustentables. Unha iniciativa en colaboración co Celler de Can Rosa.

A evolución da incidencia da COVID 19 en Tui está a ser positiva segundo o doutor Santiago Pose, do Centro de Saúde de Tui. En Tui hai nos últimos 7 días 20 casos activos e 50 nos últimos 14 días. Mentres en Tomiño a cifra de casos activos é de 19 nos últimos 7 días e 35 nos últimos 14 días.

Dende hoxe e até o 10 de xaneiro na praza de Abastos de Tui levan a cabo unha campaña de Nadal de recollida de alimentos en beneficio de SOS Tomiño Baixo Miño.

Falamos da mesma coa concelleira de Comercio e Mercado, Ana Mª Núñez, e con Rita Álvarez de Las Flores de Rita, de quen partiu a iniciativa.

Falamos con Miguel Abraira, profesor do IES San Paio de Tui. É un dos dez finalistas dos premios Educa Abanca ao mellor docente de 2020 na categoría de ESO e Bacharelato. O 10 de xaneiro darase a coñecer o gañador.

Hoxe nos Espazos Radiofónicos pola Igualdade coñecemos o traballo que realizan dende a Asociación de Mulleres Rurais Baixo Miño, AMURGA con Conchi Ortega.

Enrique Cabaleiro reunirase hoxe co SERGAS para valorar a situación da Covid-19 en Tui. Amosou no programa Día a Día, a súa decepción pola ausencia de 800 persoas no cribado masivo do pasado martes