A resposta correcta da poboación cunha actuación responsable á e que destacaba hoxe o doutor Santiago Pose do Centro de Saúde de Tui. Lembraba que na web coronavirus.sergas.gal o SERGAS puxo a dispor da cidadanía un autotest do coronavirus.

A poboación ten a dispor o teléfono informativo 900 400 116, o do centro de saúde de Tui 986 60 18 00 ou en caso de emerxencia 986 60 19 36.

O doutor Santiago Pose enviaba esta mañá unha mensaxe de tranquilidade á poboación ante esta situación, lembrando que o centro está ao servizo da poboación, tentando dende o punto de visto sanitario protexer aos máis vulnerables que son as persoas maiores.

Fan un chamamento á poboación a evitar aglomeracións no centro de saúde. Para iso as consultas serán telefónicas, salvo as urxencias e as que teñan que acudir ao domicilio do paciente. Diminúese o número de pacientes citados para as analíticas.

Esta semana falamos con Violeta de Santiago, voceira do PSdG-PSOE en Tomiño sobre as mocións que presentaron no último pleno da corporación tomiñesa.

O Concello do Rosal suspende toda as actividades culturais e deportivas, seguindo o protocolo de prevención polo COVID-19. Suspéndese a atención ao público dos servizos administrativos no Concello e os trámites faranse de xeito telefónico ou a través de sede electrónica. Permanecerá aberto o rexistro de entrada, que se situará na planta baixa. O detallou a súa alcaldesa, Ánxela Fernández.

O músico e investigador tudense, Samuel Diz recupera a figura de María Teresa León e Federico García Lorca no seu último disco "Memoria de la melancolía", xa á venda. Son 15 composicións musicais, orixinais da xeración do 27 e o exilio republicano español, gravadas na Huerta de San Vicente. Unha homenaxe a vida da escritora e feminista María Teresa León.

O Concello de Salceda de Caselas suspende toda actividade cultural, deportiva e de formación no municipio, así como a actividade do mercado semanal dos mércores. O explicou esta mañá a súa alcaldesa, Loli Castiñeira.

O Concello da Guarda rexistrinxe os servizos que presta o concello, fomenta a atención telefónica e o teletraballo. Amais suspéndense actividades municipais e o mercado semanal dos sábados. Así o explicaba o alcalde, Antonio Lomba.

O Concello de Oia súmase ás medidas decretadas pola xunta, suspéndese as actividades organizadas polo propio concello, e recoméndase non acudir á casa do concello. Así o explicaba a alcaldesa de Oia, Cristina Correa.

Tomiño creou unha comisión de seguimiento do Coronavirus formada por equipo de gobernó, membros da oposición e policía local, para ir analizando a situación Día a Día. Así o explicaba a alcaldesa de Tomiño, Sandra González, quen detallaba as medidas tomadas con carácter preventivo.

O presidente da Cámara de Valença, Manuel Lopez, e o alcalde de Tui, Enrique Cabaleiro, deron conta hoxe das medidas adoptadas para previr o contaxio por coronavirus.