“1980 Pop Festival” é o título do espectáculo que mañá sábado chega á Sala Queen en Mos. A apertura de portas será ás 23 h. Actuarán Novo Plan Big Band, Miguel Costa de Siniestro Total, e Santi Santos de Los Limones. Será un espectáculo de 3 horas dedicado á música dos anos 80’ para públicos de todas as idades no que soarán os grandes de éxitos de Alaska, Loquillo, Nacha Pop, Tequila. Teñen xirado por Barcelona, Valencia, Bilbao, Zaragoza, con gran éxito de público.

Koke, cantante de Novo Plan Big Band, falounos dos espectáculo. Ás entradas están á venda en wowticket.es ou na propia sala mañá.

A Protectora de Animais Aloia de Tui precisa axuda para rematar o ano. Máis dun centenar de animais están baixo o seu cuidado, e os gastos van dende comida até o veterinario, o máis elevado.

‘Camino Portugués de Santiago: un patrimonio cultural para la nueva Europa’ é o título do III Congreso internacional que se celebra dende mañá até o sábado en Tui, Valença e Santiago.

No río Miño entre Caldelas e Friestas amerizou hai 86 anos o aviador norteamericano Charles Augustus Lindbergh e a súa dona Anne Spencer Morrow no "Albatros". As malas condicións do tempo aconsellaban interrumpir o vo que tiña coma destino Lisboa. Deste feito histórico falamos hoxe con Rafael Sánchez Bargiela.

Veciños de Caldelas quéixanse da falla de seguridade vial na estrada PO 404 de Caldelas, onde xa algúns deles levaron algún susto. Solicitan que se realice a humanización deste vial.

Tras recoller máis de 300 sinaturas de veciños apoiando esta reivindicación presentaron o escrito tamén no Concello, para que este o eleve á Xunta.

Juan Pablo Álvarez e Dolores González son dous profesores do IES San Paio de #Tui que participan no Programa Erasmus+. Chipre e Francia foron os países aos que viaxaron para coñecer á súa realidade e os seus métodos educativos.

O obra de electrificación da vía dende Guillarei ata a Ponte Internacional de Tui, está en marcha logo se 6 anos. Adif destinou 14,5 millóns de euros á empresa Enclavamientos y Señalización Ferroviaria.

Cun obradoiro de elaboración de conservas artesanais de mexillóns en escabeche, e unha charla sobre os cogomelos hoxe comeza a programación do Mercado de Outono, no Mercado de Tomiño. Chao Quinta, deunos conta das actividades previstas até este domingo.

Os veciños e veciñas de Caldelas levan 5 días sen teléfono. O sábado pola noite, un coche golpeaba o poste telefónico deixando incomunicado á parroquia. Por agora, os organismos non se están facendo cargo desta situación que acarrea graves problemas. Sobre todo, á xente que necesita asistencia médica.

A Agrupación Musical de Goián gañaba o 1º premio, na sección terceira, do XIII Certame Galego de Bandas de Música. Ademais deste premio, lograban á mellor interpretación dunha obra de temática galega con “Lobo de Río” de Andrés Álvarez.