O Festival de Teatro Grecolatino celebra a súa vinte edición en Ourense, Lugo, na Coruña e hoxe en Tui. Preto de 900 alumnos e alumnas dos institutos da provincia asistiron á representación da traxedia “Troianas” de Eurípides e pola tarde, presenciarán a comedia “Anfitrión”, de Plauto. Serán interpretadas pola Compañía de Teatro, Noite Bohemia, no Teatro Municipal. María Teresa Amado, unha das coordinadoras cóntanos máis detalles deste proxecto educativo.

As instalacións da aula de Caldelas do CRA non cumpren coas medidas axeitadas para o seu bo funcionamento. Isto é o que denunciaron hoxe na nosa sintonía, Jose Álvarez e Belén González en representación dos pais e nais, dos alumnos e alumnas do mesmo.

A humidade, a carencia dun patio cuberto e a falta de seguridade nas inmediacións do centro son algunhas das carencias que, presenta a aula de Caldelas do CRA.

“Emoción, infancia adolescencia. A importancia da intelixencia emocional nos primeiros anos” é a conferencia que acolle mañá ás 19:30 h o Liceo Casino de Tui. No programa Día a Día falamos coa ponente, Paula Rodríguez, psicóloga experta en adolescencia.

Co concelleiro de En Marea e responsable de Patrimonio, Turismo, Camiño de Santiago e Novas Tecnoloxías, Laureano Alonso, abrimos hoxe unha nova rolda de conversas cos representantes dos grupos políticos presentes na corporación municipal de Tui.

O CEP de Caldelas realiza hoxe o e sábado unha xornada de portas abertas para dar a coñecer as instalacións e o seu método educativo.

Os pais e nais interesadas poden visitar o centro hoxe de 16 a 18h e o sábado de 11 a 14h .

Falamos coa directora do centro Julia Fernández.

Tui acolle o Festival de Teatro Grecolatino este mércores. Máis de 500 alumnos e alumnas dos institutos da provincia presenciarán dúas obras de teatro greco, a traxedia “Troianas” de Eurípides e a comedia “Anfitrión”, de Plauto. As dúas obras serán interpretadas pola Compañía de Teatro, Noite Bohemia da Coruña. O profesor do IES San Paio de Tui e concelleiro de Turismo, Laureano Alonso informounos amais das actividades organizadas polo Concello nesta cita coa historia clásica.

Un total de 200 patinadores e patinadoras competirán mañá dende ás 17:30 h, no pavillón municipal de Tui no Campeonato Galego de grupos Show Junior e Cuarteto de Patinaxe. O evento, organizado polo Club Patinaje Artistico Ribex, reúne a deportistas galegos competindo por clasificarse para o Campeonato de España. Acudimos a Carolina Figueroa do Club Ribex, para coñecer máis desta cita deportiva.

A recente manifestación veciñal en Cristelos, Tomiño para deter a tala de árbores e o herbicida Glifosato son algúns dos temas que, abordamos con Agustín Ferreira, o presidente da Asociación Naturalista do Baixo Miño, ANABAM.

O número 1429 é a papeleta gañadora dunha cea para dúas persoas nun dos comercios asociados de Acitui. Trátase da Campaña da Asociación de comerciantes "Namórate de Tui" polo Día dos Namorados. Juan Carlos Blanco, o presidente e Jose Manuel Díez membro da directiva de Acitui, realizaron hoxe o sorteo na nosa sintonía.

O martes 25 - Martes de Entroido - Tui ten previsto celebrar o seu desfile-concurso coa participación de 13 comparas e preto de 900 persoas. A concelleira de Cultura, Sonsoles Vicente, daba conta do programa previsto.