Día a Día

O alcalde de Tui, agradecía hoxe a participación en #SanTelmoNaCasa durante os últimos días. Por outra parte informaba que hoxe se incorpora ao concello unha terceira traballadora social para reforzar este departamento.

Tamén precisou que os fondos que os concellos reciben do Fondo de Cooperación Local da Xunta se recibe anualmente e non é extraordinario para o COVID19.

O Concello do Rosal convida a cidadanía a celebrar o Día do Libro, cunha programación especial a través da web do concello e nas súas redes sociais. Os pequenos e pequenas da casa poderán desfrutar de varios contacontos, mentres os aultos terán a súa diposición os audios con fragmentos de libros. Así o explicou a alcaldesa, Áxela Fernández.

O Concello da Guarda suspende todos os eventos previstos até o 12 de xullo. Entre eles, atópanse a Alfombras Florais e a Festa da Langosta e da Cociña Mariñeira. Ademais, están traballando para que o concerto de Herdeiros da Crus, previsto para o 11 de xullo, se poida realizar a finais de verán. Detallouno o alcalde, Antonio Lomba.

O Concello de Tomiño continúa con normalidade neste comezo de semana, así o expresou a alcaldesa Sandra González. Lembrou amais que seguen confeccionando as mascarillas de protección que se repartirán polo comercio local, e proseguen desinfectando o municipio.

A actividade educativa será, de momento, de forma virtual podendo no verán realizarse actividades de reforzo voluntarias. Así o informou o Ministerio de Educación e Formación profesional. Disto e do traballo que terán que realizar os e as docentes falamos coa directora do CRA Mestra Clara Torres de Tui, Teresa Domínguez.

O Concello de Tui artellou unha serie de iniciativas para celebrar San Telmo na Casa. Mensaxes de músicos, felicitacións, sesión de música pola mañá, actividades para os cativos,... e algunha sorpresa... Amais o luns ás 20.30 h soarán as campás das catedral e das igrexas tudenses.

A disconformidade tanto na forma coma no fondo cos asuntos que se levaban onte a pleno extraordinario, onde consideraban había unha merma nos dereitos dos concelleiros, levou onte ao PP a abandonar a sesión plenaria tras solicitar a retirada do expediente de créditos que se levaba a aprobación. Anunciaba que seguramente van impugnar os puntos tratados.

O Concello do Rosal pon en marcha un servizo de reparto de comida para as persoas en situación de vulnerabilidade debido á crise sanitaria do COVID-19. Unha iniciativa que se vai xestionar a través dos Servizos Sociais do Concello. Así o sinalou a alcaldesa, Ánxela Fernández. Agradeceu tamén a colaboración das adegas para as tarefas de desinfección no municipio.

O pleno extraordinario celebrado onte, o informe favorable de Costas para o PEPCHA, e a celebración das festas de San Telmo na casa son os tres temas que abordamos hoxe co alcalde de Tui, Enrique Cabaleiro.

O alcalde da Guarda, Antonio Lomba reuniuse cos portavoces políticos para valorar o que acontecerá cos eventos de verán. Indicou que este será aun ano moi complicado para o turismo.