Día a Día

Continúa a oleada de solidariedade no Concello de Tomiño. A alcaldesa, Sandra González agradecía hoxe o traballo das persoas que están confeccionado mascaras de protección e tamén gorros sanitarios, que foron destinados ao Hospital Álvaro Cunqueiro. Salientou amais o gran labor do comercio local.

O Concello de Salceda traballa na creación dun gabinete psicolóxico permanente que atenda os casos derivados do COVID-19 e que reforce tamén o apoio á infancia e aos colectivos vulnerables. Desta e doutras accións falamos coa alcaldesa, Loli Castiñeira.

Artisan Wine Attraction é o colectivo formado por preto de 50 adegas de España, Andorra e Portugal que se suma ás iniciativas solidarias cunha poxa dun centenar de viños, cuxos fondos irán destinados ao Centro Nacional de Biotecnoloxía do CSIC para a investigación da vacina fronte o COVID-19. Forman parte deste colectivo a adega Vimbio do Baixo Miño. Falamos cun dos seus responsables Martín Crusat.

A alcaldesa do Rosal, Ánxela Fernández lembrou na nosa sintonía que os veciños e veciñas do municipio que se atopen en situación de vulnerabilidade, coma non poder realizar a comida diariamente, poden contactar co Concello a través do 986 62 50 00. Lembrou amais, a necesidade de continúar nas casas para superar esta crise sanitaria.

AECT Río Minho realizará un estudo de urxencia sobre o impacto socioeconómico que o peche de fronteiras provocado pola pandemia do Covid-19 está a ter sobre o territorio transfronteirizo do río Miño. AECT Río Minho. Así o explicaba hoxe o deputado e director da AECT Río Minho, Uxío Benitez.

Tui é unha das localidades fronteirizas máis castigadas polo peche de fronteiras debido á pandemia do COVID 19. Así o afirmaba hoxe o alcalde, Enrique Cabaleiro.

Por outra parte informaba o rexedor que ao pleno desta tarde lévase a aprobación de 700 mil euros para realizar o pago pendente a provedores.

O Concello da Guarda adoptou un segundo paquete de medidas económicas para paliar os efectos da pandemia COVID-19 que explicou o alcalde Antonio Lomba. Tamén informou da reunión que terá cos portavoces políticos para analizar os eventos, previstos para o verán.

Que pasara co terceiro trimestre do presente curso escolar é o que preocupa a ao sector educativo e as familias. Disto falamos con Teresa Domínguez, directora do CRA Mestra Clara Torres de Tui quen indicaba que tanto o profesorado como o alumnado non estaba preparado para cambiar do modelo educativo presencial ao virtual.

En tempos de crise sanitaria, os labores de limpeza son parte fundamental para evitar os contaxio polo COVID-19 e a desinfección con ozono está tomando moito protagonismo no Baixo Miño. Un método rápido que logra unha desinfección total segundo Enrique Vicente, da empresa Quicelco, de maquinaria e subministros de limpeza quen realiza este traballo de forma desinteresada.

Sen novidades continúa, outro día máis, o municipio da Guarda. Mentres, os traballadores e traballadoras do Concello seguen a prestar o servizo á veciñanza, tamén dende as súas casas. O alcalde Antonio Lomba daba conta disto así como da necesidade de non baixar a garda e extremar as precaucións.