O tudense Carlos Pérez-Fonterosa Antón dará lectura este sábado, ás 19 h, ao pregón das Festas de San Telmo 2019. Será no acto previsto no Teatro Municipal de Tui. Emocionado falaba hoxe nosa sintonía o pregoeiro,explicando que o seu cariño por Tui foi o que o levou a aceptar esta proposta.

Patricia Moon protagonizará este sábado, ás 22.30 h, o primeiro concerto das Festas de San Telmo. A viguesa presentará o temas do seu terceiro disco "Rock&Love" no Paseo da Corredoira.

Dentro da programación das Festas de #SanTelmo Pablo Méndez Performances presenta o sábado ás 21.15 h o seu novo espectáculo "Quimera". Será na rúa Ourense, xa que por necesidades técnicas e espazo para público, apostouse por este emprazamento. O mundo máxico da natureza é o eixo central deste espectáculo que cativará ao público. Unha coidada selección musical, acróbatas, bailaríns... son elementos destacados do show.

Máis de 3 mil papeletas participaron esta mañá no sorteo da ruta TuiTapa celebrada ao longo do mes de marzo en establecementos tudenses coa organización do festival Arrianos. A súa directora, Andrea Costas, facía hoxe balance positivo desta iniciativa ao tempo que daba conta dos premios das tapas que onte entregaron xa a La de Manu, El Molino, Santiamén, co primeiro, segundo e terceiro premio, respectivamente. Houbo amais dez finalistas. O premio do público foi por esta orde para El Molino, O Novo Cabalo Furado, e El Pórtico.

Na nosa sintonía realizouse esta mañá o sorteo entre esas 3 mil papeletas dos que participaron na ruta.

A empresa Coplegal de Jesús Vaz e Manuel González realizaron un rótulo da Radio Municipal de Tui, que nos entregaron hoxe cando cumprimos 26 anos de Radio. Suso forma parte da familia da RMT xa que foi un dos locutores nos primeiros anos. Grazas!

O historiador tudense realizará mañá unha presentación-visita guiada do seu libro "O Teatro de Tui" sobre o Teatro Principal. A cita comezará ás 20 h na praza da Inmaculada e rematará na praza Fromista onde está o histórico teatro.

Nas últimas horas falecía José Antonio Corgo "Jimmy", un histórico e peza vital do remo na cidade membro do Club Remo do Miño. José Prada, falounose precisamente desta perda, e do seu papel no remo tudense.

Na rolda de conversas que estamos a manter cos grupos políticos da corporación municipal de Tui hoxe foi a quenda de Mª Jesús Silva, de APTUI, e concelleira de Urbanismo.

Hoxe dende ás 20.30 hora española na Tratoria Casa Di Mamma haberá un evento solidario Pro Mozambique. 30 pizzeiros de Portugal preparán pizzas que venderán ao prezo de 5€. Os cartos recadados serán doados a Cáritas con destino a Mozambique. Así nolo contou Jorge Fernándes. A solidariedade poderá ter premio xa que sortearán un bono de 5 días de vacacións en Portugal ou illas.

O domingo 28, domingo de San Telmo, vaise celebrar a VI Cata de Colleteiros de San Telmo. Esta iniciativa busca por en valor o viño dos colleiteiros tudenses tanto de viños brancos coma tintos. Os que desexen participar deben deixar un par de botellas en Tapas e Viños, na praza de San Fernando, onde se vai celebrar a cata, até o sábado 27. Un panel de cata profesional será quen valore despois estes viños.