Día a Día

Gran acollida da iniciativa do “Do Mar á Viña” da Organización de Palangreiros Guardeses (Orpagu) e Bodegas Terras Gauda xa que a penas restan algunhas prazas vacantes. Trátase dun evento que se vai celebrar os venres 23 e 30 de agosto e o 6 de setembro, que combina unha experiencia enoturística cunha travesía marítima fluvial. Así nolo contaba hoxe Begoña Santamaría, coordinadora de Enoturismo de Terras Gauda

Na fin de semana celebrouse en Pontevedra o Campionato de España de Maratón de Piragüismo onde catro padeeiros do Kaiak Tudense lograron o pase para o Mundial de China, foron Manu Garrido, Tania Fernández, Óscar Graña e Pedro Areal. Esta semana outros dous padeeiros busca o pasaporte olímpico para Tokio 2020. son Roi Rodríguez e Sara Ouzande, que compiten no campionato do Mundo en Hungría. Alí están tamén Albert Martí e Pedro Vázquez do Kaiak. Falamos destas competicións con Manuel Pedrares, técnico do Kaiak Tudense.

Hoxe o grupo Donicelas actúa na Semana Cultural A Insua en Caldelas. Xesús Díaz, un dos integrantes do grupo, deunos conta de cómo vai ser o concerto desta noite no que interpretarán tanto temas do seu segundo disco, coma do primeiro.

Éxito esta fin de semana o I Concurso de Maxia na rúa Miño Máxico do que disfrutaron centos de persoas ao longo do percorrido das actuacións, dende a Corredoira, a praza de San Fernando, Fromista e San Telmo.

Samuel Moreno e Javier Argüelles relataban precisamente este éxito hoxe no programa Día a Día, xunto ao concelleiro Laureano Alonso.

Unha resposta do público que da forzas para o concurso pense xa na próxima edición. Esta mañá fixeron tamén o sorteo de agasallos entre o público.

Mañá ás 19.30h no Palco da Música no Paseo da Corredoira terá lugar a presentación e primeira actuación do I Concurso de Maxia na rúa. Cada media hora sucederanse as actuacións nos soportais, nas prazas de San Fernando, Fromista e San Telmo, para rematar novamente en San Fernando. Participarán 5 magos e 1 maga, e o público cos seus votos será quen decida o gañador.

O novo pavillón de deportes de Tui acolle mañá o VII Torneo de Balonmán da Eurocidade. Ás 20.30 h vanse enfrontar o Acanor Atlético Novás e o ABC Braga. Hoxe falamos con Enrique Domínguez, adestrador Acanor Atlético Novás.

Este venres comeza a Semana Cultural organizada pola Asociación Cultural A Insua de Caldelas. A programación vaise desenvolver até o venres 23. Eduardo Dacuña, de A Insua, explicounos os actos previstos coma o Caldelas' Got Talet que se celebrará este sábado ou a festa do neno o domingo.

Arestora está en redacción o Plan de Mobilidade Sustentable do Concello de Tui, PMUS. Estase a realizar o traballo de campo, estudo de datos do municipio, e tamén unha enquisa on line en tui.gal. Falamos deste traballo con José Ramón Magán, concelleiro e Javier Vázquez da empresa EPTISA.

A concelleira de Urbanismo, Yolanda Rodríguez, lanzaba esta mañá unha mensaxe de tranquilidade aos veciños de Paramos. Explicaba que na oficina de Urbanismo situada en Guillarei, continua a realizarse a tramitación de licenzas e comunicacións previas con normalidade, e mañá mesmo se aprobará unha nova licenza en xunta de goberno. Proximamente convocarán unha reunión cos veciños para explicarlles a situación e resolver as dúbidas que poidan ter.

Malestar no Club Bádminton Tui polo reparto dos horarios no uso dos pavillóns xa que lles foi asignado polo concello un día 5 horas, repartidas entre o pavillón do IES San Paio e o pavillón de Guillarei, cando prefiren dos días dúas horas e media. Así o explicaba hoxe a súa presidenta Marisa Giráldez.

Agardan nos próximos días poder reunirse cos responsables municipais para explicarlles a súa situación.