Carme Núñez volverá encabezar a candidatura do BNG ás eleccións municipais do 26 de maio en Tui. Hoxe falamos con ela desta reelección, da situación do municipios e dos proxectos prioritarios.

Por último recoñecía que na corporación que saia das eleccións do 26 de maio será complicado que un partido conte coa maioría polo que serán necesarios os pactos. Nese senso apuntaba que están disposto a pactar con calquera grupo político que non sexa o PP ou similares.

Mañá, as 19.00h, a Sala Félix Rodríguez, na Área Panorámica, acollerá unha charla informativa para os afectados polas accións do Banco Popular. Esta mañá estiveron na nosa sintonía Juan Gaise Fariña e Cielo Martínez, do despacho de avogados Rodríguez Gil e Asociados, encargados da sesión de mañá.

O programa de inmersión lingüística da Xunta de Galicia levou a profesores a distintos países para coñecer o seu sistema educativo e as súas culturas, ademáis claro, da profundización no idioma. Os destinos eran Canadá, Lisboa ou París. Fernando Saco, do IES Indalecio Pérez Tizón estivo un mes en Otawa, Canada, esta mañá, na nosa sintonía, nos falou deste programa.

A Policía Local de Tui estivo onte á tarde no incendio rexistrado en Baldrán. O oficial xefe, Jose Manuel Arca, apuntaba a posible orixe intencionada do lume, nun galpón no que confirmaba non había explosivos.

O pasado domingo apareceron catro cabalos mortos e cinco feridos nunha manga da zona de Areeiro en Viladesuso, Oia. Onte estiveron no lugar do suceso os axentes do Seprona, os veterinarios da Xunta de Galicia e a Asociación de Gandeiros de Cabalos Serra da Groba, que determinaron que a morte dos equinos foi debida a varios golpes na cabeza. A Guarda Civil está agora o fronte da investigación para esclarecer o ocorrido.

(Fotografía: TVMarinhas)

Susto onte á primeira hora da tarde en Baldráns ao rexistrarse un incendio nun dos lugares onde no pasado mes de maio foran localizados explosivos almacenados ilegalmente tras a explosión do 23 de maio. Ata o lugar desprazáronse efectivos da Policía Local, Garda Civil, Bombeiros do Porriño, entre outros.

Onte dende o primeiro momento se descartou a presenza de explosivos na zona, pero sí había gran cantidade de varillas de madeira. Así o confirma o cabo dos Bombeiros do Porriño, Daniel Bar.

O pasado venres a Guarda Civil entregaba o párroco de San Salvador de Tebra un cáliz roubado hai 35 anos. A localización desta peza, roubada en 1984, tivo lugar no rastro de Madrid grazas a localización por internet do cáliz a través dunha web de internet para coleccionistas.

(Fotografía Guarda Civil)

Esta mañá volvía Julia Rodrieguez a nosa sintonía para falarnos da súa próxima actuación no programa Recantos do Luar, que será o 25 de xaneiro e interpretará "Maquillaxe" de Mecano.

Dani Costas presentou hoxe na nosa sintonía o seu segundo traballo "Pequeño infinito" . Interpretou amais algúns dos temas en directo e nos falou da súa música. El comezou hai en grupos de instituto, logo entrou no mundo das orquestras, onde formo u parte de América SL, entre outras, e agora inicia a súa carreira en solitario. Hai dous anos publicou o seu primeiro disco e agora presenta o segundo cuxo primeiro concerto será o 23 de febreiro en Vigo.

Dende hoxe a capela do Monte Aloia volver ter unha campana, tras case catro anos sen a mesma, xa que a anterior, con valor histórica fóra roubada.