A Guarda está a celebrar unha ampla programación de Nadal na que implicaron a poboación e aos distintos colectivos da vila, e na que as rúas son o escenario de parte das actividades previstas. Entre as novidades da programación está a pista de xeo instalada na Alameda que está a ter unha boa acollida como hoxe sinalou a concelleira de Cultura, Elena Baz.

O grupo Do Lusco ó Fusco puxo está mañá á música nas rúas da Guarda e houbo o tradicional chocolate na praza de Abastos. Xa a tarde o Centro Cultural acollerá ás 17h á compañía Elefante Elegante coa obra infantil “Tristán”. E ás 20.30h a cafetería Alameda acolle a barferencia sobre as Salinas da Costa Atlántica.

Tomiño ten preparadas distintas actividades de Nadal. Esta mesma mañá no Seixo recibiron a visita da Apalpadora.

Hoxe, mañá xoves e venres haberá obradoiros e contacontos para nenos e nenas a partir de 3 anos no Mercado Municipal de Tomiño. O sábado ás 17h o Mercado de Tomiño acollerá o ‘Cantacontos’ de Migallas Teatro, e o domingo ás 18h no auditorio de Goián Educateatro Producións presenta ‘Os tres porquiños’. As actividades continuarán a próxima semana e culminarán coa Cabalgata de Reis como explicaba a concelleira de Cultura, Cristina Martínez

A Apalpadora estará hoxe pola tarde no Centro Cultural de Mougás dentro das actividades de Nadal que teñen en Oia. Tamén programaron distintos obradoiros para nenos, presentarán un libro e unha curtametraxe, e cultimarán as propostas coa Cabalgata de Reis.

Na tarde de hoxe a partir das 18.00h a carpa do paseo da corredoira acollerá unha sesión de música con djs para amenizar a velada con motivo do Nadal Solidario. David Álvarez, Carlos Otero, Diego Fernández e Ruben Gómez porán música de tódolos estilos a esta xornada navideña. A entrada é gratuíta.

Dous coches de Labranza Solidaria participan tamén no Rallie Solidario a Marrocos que se celebra nestas festas. Entre os participantes deste equipo está a nosa compañeira Nieves Iglesias.

Tres coches todo terreo partiron hoxe dende A Guarda para participar no Rallie Solidario que os levará ata Marrocos, para distribuír roupa, calzado, xoguetes… entre a poboación de distintos pobos. Un dos coches é o da Asociación Conrazones. O seu presidente Piño Gómez, é o terceiro ano que participa nesta experiencia que deixa pegada.

A alcaldesa do Rosal, Mª del Carmen Alonso, deixounos está mañá a súa felicitación de Nadal

Dende A Guarda o seu alcalde, Antonio Lomba deixounos a súa felicitación de Nadal.

Dende Valença o presidente da Cámara, Jorge Salgueiro Mendes, déixanos a súa felicitación para estas datas.

A alcaldesa de Tomiño, Sandra González, deixounos hoxe os seus desexos para estas datas na súa felicitación de Nadal na nosa sintonía.