Onte comezaba a funcionar a pista de xeo ecolóxica que forma parte do Nadal Solidario organizado por Acitui coa colaboración do concello de Tui. A carpa, de 150 metros cadrados estará no paseo da Corredoira até o vindeiro 6 de xaneiro. Un espazo de lecer para nenos, pero que tamén conta con outras atraccións para os pais.

Ademáis a asociación de comerciantes de Tui prepara xa o Saborea Tui que se vai celebrar os fines de semana do mes de marzo.

Mañá mércores o CEIP Pintor Laxeiro de Vigo acolle a presentación do calendario competencial do Cra mestra Clara Torres de Tui, un recurso para educar de outro xeito, que dende o servizo de orientación do Cra mestra Clara Torres entenden, é mellor e de máis calidade, adaptado as novas necesidades xurdidas dos cambios da sociedade e cun estilo educativo e parental positivo.

Trinta e catro comerciantes das rúas Foxo, Travesía Foxo, Rosa Bahamonte e a súa prolongación véñense de unir nunha iniciativa que denominan o Barrio das Flores, para revitalizer esta zona. Dende esta tarde os seus establecementos lucirán o logotipo deste barrio, que se suma á colocación de xardineiras que teñen levado a cabo, e á que convidan a sumarse tamén aos veciños. Amais unhas pegadas de cores animarán tamén as rúas.

Baixo o título de “Nadal Porta da Pía entre veciños” cinco establecementos se unen neste Nadal para organizar unha serie de actividades e decorar a rúa coma hoxe nos explicaban Silvana Crisóstomo e David Guerao. Explicaráronnos como xurdiu a iniciativa.

Este domingo ás 17.30h na igrexa parroquial de Ribadelouro celébrase un concerto solidario no que participarán a Coral Polifónica Asomamos e Coral Polifónica Ponte das Febres. Recolleranse alimentos e xoguetes para Caritas como explicaba Víctor Bargiela, párroco de Ribadelouro.

A coordinadora Estatal pola Defensa do Sistema Público de Pensións, MODEPEN, convoca mañá ás 11h unha concentración na praza da Inmacualda dentro da Xornada de Loita Estatal polas defensa das pensións. Pachi Alonso e Manuel Martínez Tato déronnos conta hoxe dos motivos desta convocatoria, a suba das pensións, a reforma laboral….e convidaban unha vez máis a participar.

Mañá venres ás 20h da tarde terá lugar na Sala Félix Rodríguez da Área Panorámica a presentación do libro de escritos e debuxos de plumiña de Martín Rodríguez Álvarez titulado “Recuerdos de Juventud”. O acto está organizado pola Asociación cultural Trisquel e Medulio. Falounos deste acto Manuel Martínez de Trisquel e Medulio, e o propio Martín Rodríguez do seu libro.

Alba Fernández, historiadora, Rosa Cal, mestra, xornalista e investigadora, e Manuel Vázquez de Levada Libre faláronnos hoxe da Homenaxe a Telmo Comesaña Pampillón prevista para este sábado en Tui. Comezará na Volta da Moura, continuará na Aula da UNED, nos xardíns de Troncoso e no Parador.

O alcalde de Tui solicitou está mañá ao arquitecto encargado da catástrofe de Paramos un informe sobre se o desentullo de Paramos ten carácter de emerxencia polo risco que presenta. Fixo está solicitude logo do informe conxunto negativo da secretaría e intervención para que o Concello acometa o desentullo por vía de emerxencia, coma se aprobou en pleno, deixando a prota aberta a esta opción. Tamén remitiu unha carta á subdelegación solicitando por escrito o compromiso público de que o goberno se fará cargo do custe do desentullo.

Por outra parte Carlos Vázquez Padín informou que esta mañá comezou a demolición das instalacións da pirotecnia de Baldráns.

O conservatorio Profesional de Música de Tui e a Escola de Música ofrecerán mañá xoves, ás 20h, no Teatro Municipal o seu Concerto Solidario de Nadal.

Dende ás 17.30h poderanse retirar as entradas, na sala Xacobeo, a cambio dun quilo de alimentos que serán cedidos a SOS Tomiño Baixo Miño.

Tamén dende ás 19.15h entregaranse os boletíns deste primeiro trimestre do curso.