Día a Día

A igrexa de San Domingos acolle este sábado ás 20.30 h o XIII Festival de Corais de Verán. Do mesmo faláronnos

Actuarán a Coral da Asociación de Maiores de Mondariz, a Coral Polifónica de Tomiño, Xosé Manuel, teclista e a Coral Polifónica do Centro Sociomunitario de Tui que é a organizadora.

O Grovias Fútbol Gaélico está a realizar unha xornadas de portas abertas para dar a coñecer este deporte no Baixo Miño. Comezaron onte no campo do Regatiño en Goián, o próximo mércores estarán no Álvarez Durán en Tui, e xa en xullo no Rosal, A Guarda e Oia.

A Comunidade de Montes de Randufe adiou para o domingo día 30 a festa do comuneiro que inicialmente se ía celebrar este domingo 23 no Alto do Coello. As previsión de choiva son as que os levaron a tomar esta decisión segundo explicaba o seu presidente Ramón Martínez.

Enrique Cabaleiro, alcalde de Tui, repecta e pode entender a decisión tomada onte polo BNG en Asemblea de non entrar a formar parte do goberno preside. Porén lamentaba este acordo dos nacionalistas xa que considera que farían un bo traballo. O rexedor deixa a man tendida e as portas abertas para entrar no goberno se o BNG así o desexa máis adiante.

O BNG de Tui non entrará no goberno que preside o socialista Enrique Cabaleiro. Así o acordaron onte á noite tras un longo debate en asemblea, onde a decisión de non entrar no goberno tudense tivo só dúas abstencións e ningún voto en contra. Así o explicaba a voceira do BNG, Carmen Núñez.

Este sábado dan comezo as visitas guiadas "Free Tour" por Tui organizadas por Buguina Turismo. Serán de venres a luns e haberá dúas modalidades, unha ás 11.00h centrada no legado xudeo, e outra ás 12.30h que percorre todo o casco histórico da cidade.

Non é necesario inscribirse, simplemente estar a hora de comezo diante da Oficina de Turismo, na Praza de San Fernando.

Cunha serie de actos na Catedral este sábado Manos Unidos celebrará o seu 60 aniversario en Tui. Comezarán ás 18 h cunha Eucaristía de apertura da celebración presidida polo bispo de Tui-Vigo, Luís Quinteiro, co acompañamento musical de Nuria Peláez, e logo con concerto a cargo da aula de órgano do Conservatorio de Ourense con Nicolás Varela, Carmen Valugo, David Maceira, Marta Vázquez e Roque Márquez baixo a dirección de Marisol Mendive. Así o explicaba Antonio Blanco, delegado de Manos Unidas.

O ciclo de andainas da Eurocidade acolle este sábado unha andaina que percorre tres concellos: Tui, Tomiño e Gondomar. Será unha ruta circular, de 9 km e dificultade mínima como eixo central, o Monte Tetón.

A tudense Cristina Fernández Piña do Club Natación Baixo Miño participará esta fin de semana no Campionato de España de Natacións con Aletas que se vai celebrar en San Feliu de Guixols. Participará nas probas de 50 metros apnea con mono, 50 metros e 100 metros con dúas aletas

Anxo Baz, voceiro do BNG da Guarda daba conta das súas sensacións dous días despois da investidura e tralo acordo co partido socialista que o converterá no tenente de alcalde. Apuntou que están moi ilusionados con este novo reto.