Completadas ás 200 prazas que se ofertaban para a III BTT Ruta do Viño Rías Baixas que se vai celebrar este domingo cun percorrido de 45,5 quilómetros entre os concellos do Rosal e Tomiño.

A saída será ás 9.30h dende a praza do Calvario no Rosal, onde volverán os ciclistas tras completar o percorrido logo de case dúas horas.

Ás 17.00h desta tarde terá lugar unha visita guiada ás salinas da Guarda. Sairán dende o Seixal, a 750 metros da depuradora. Estas salinas forman parte dun complexo que se estende polas costas da antiga Gallaecia e que supón unha mostra excepcional da produción de sal no mundo antigo, cun enorme valor científico e potencial patrimonial.

O grupo de traballo do proxecto «A Guarda, Mar de Sal», encabezado polo investigador Brais Currás, e Mar Cortegoso, directora das escavacións, avanzan que estas salinas forman parte do maior complexo de explotación do sal mariño ata agora documentado de todo o Imperio Romano.

Os afectados de Paramos e Guillarei non terán que tributar no IRPF polas axudas que reciban tras a catástrofe do pasado mes de maio. Así o expuña onte a subdelegada do goberno Maica Larriba, á Asociación de Afectados. O seu presidente Salvador García amosaba a súa satisfacción por este nova tan agardada. Tamén valoraba positivamente a reanudación da atención psicolóxica en Tui. Esta tarde terán asemblea cos veciños.

Na Radio Municipal de Tui continuamos coa rolda de entrevistas cos membros da corporación municipal. Esta mañá foi a quenda do concelleiro non adscrito, Xosé Prada, quen fixo un balance deste primeiro ano de goberno trala moción de censura e que aseguraba que el non ten compromisos con ningún partido polo que el actúa en beneficio para os veciños. Falaba ademáis de outros asuntos de actualidade no muinicipio.

O Mercado municipal de Tomiño acolle este venres as 20.00h a presentación de tres libros de Francisco Álvarez “Koki”. Será unha reedición de “un neno na emigración” e unha nova edición de “vasoiras barreiro” ambos cunha temática común, son contos infantís que falan da emigración. Ademáis este último conta con ilustración do pintor guardés Antonio Rodríguez Cachi. O terceiro libro que se vai presentar “A memoria das palabras” leva na súa portada un cadro de Castelao dedicado a comunidade galega en Nueva York no ano 1938 co cal o autor se sinte identificado xa que leva 30 anos vivindo alí. A diferencia dos dous primeiros, este é un libro de poemas sociais.

O escritor tudense Diego Alfonsín presentará o seu ultimo libro "Heidelberg y otros relatos" este sábado as 19.00h na sala Félix Rodríguez do Edificio Área Panorámica de Tui. O libro está formado por catro relatos, “Cuando ella no está”, “La aspiradora inteligente”, Heidelberg que da título o libro, e “elogio de la lentitud” todos eles en castelán, dos que nos falaba o propio autor do libro, Diego Alfonsín.

Hoxe ás 20.30h no salón de sesión da casa do Concello de Tomiño terá lugar a primeira reunión de traballo do programa formativo e de asesoramento individualizado “Máis Posible”, destinado a todo tipo de negocio ou PYME local, froito do convenio entre o Concello de Tomiño e ADETO. Falabamos con José fonterosa, un dos técnicos que estará a impartir estas xornadas.

Este sábado ás 20h terá lugar na igrexa de San Domingos o XII Festival de Outono de Corais organizado pola Coral do Centro Sociocomunitario de Tui. Participarán a Coral Polifónica A Cela de Baredo, Baiona, o Grupo folk Inquedanzas de Pazos de Reis, a Coral Santa María de Salceda, Xosé Manuel – teclado e a Coral do Centro Sociocomunitario de Tui.

Este domingo celébrase a quinta xuntanza da dos pobos raianos no recinto de festas da Virxe das Dores en Guillarei. Nesta festa participan as parroquias de Guillarei, Paramos, Baldráns e as freguesías de Verdoexo, Friestras e Ganfei. Dará comezo as 11.00h da mañá co encontro dos pobos e se prolongará até media tarde con música e gastronomía.

Hoxe ás 20h chega ao Teatro Municipal de Tui a obra "Rubicundo" nunha adaptación do conto de María Canosa realizado por Ghazafelhos. Trátase dunha obra moi máxima coma hoxe explicaba Pepablo Patiño, autor, director e actor desta peza teatral.