Día a Día

Mañá día 24, celébrase na discoteca Anubis a Gala en Pé Paramos. Serán preto de 4 horas de espectáculo no que haberá música, baile e humor.

Hoxe cúmprese un ano da catástrofe de Paramos. Eran as 16.23 h do 23 de maio de 2018 cando unha explosión cambio a vida no barrio da Torre en Paramos.

Hoxe Salvador García, presidente da Asociación de afectados, fixo un balance deste ano e dos actos previstos para esta tarde.

Este sábado e domingo Tui acolle a fase final do concurso “Matemáticas na raia” organizado pola Asociación Galega de Profesores de Matemáticas, AGAPEMA, e a Asociación de Profesores de matemática de Portugal, APM.

Participarán 43 alumnos e alumnas de 9º da Escola Básica de Aroes de Santa Cristina de Portugal e de 3º da ESO do IES Nº1 de Ordes.

Enrique Cabaleiro, candidato á alcaldía de Tui, polo Partido Socialista foi entrevistado esta mañá na nosa sintonía na quenda de conversas que estamos a manter cos nº1 dos partidos políticos que se presentan a estes comicios en Tui.

Carlos Vázquez Padín, candidato á alcaldía por Converxencia 21 foi entrevistado esta mañá na rolda de conversas que estamos a manter cos números 1 dos seis partidos que se presentan ás eleccións do 26M en Tui.

Este venres dende ás 20.30 h celébrase no Anubis a gala benéfica "En Pé Paramos". Fran Nanda e Guillermo García "Willy" déronnos conta das actuacións que poderemos disfrutar.

As entradas están xa á venda en distintos establecementos ao prezo de 10€.

Na rolda de conversas cos candidatos á alcaldía de Tui hoxe foi a quenda de Carmen Núñez, a nº1 do BNG.

Os candidatos e a candidata á alcaldía de Tui participaron na nosa sintonía nun debate electoral co gallo das eleccións municipais do 26M. Moderado por Jose Font participaron José Ángel Fernández Rodríguez do Partido Popular de Tui; Enrique Cabaleiro González do PSOE TUI; Carlos Vázquez Padín de Converxencia 21 - Tui; Carmen Núñez Méndez do Bng de Tui; Juan Miguel Diz Guedes de Cs Tui e Laureano Alonso Alvarez de En Marea Tui.

Laureano Alonso, candidato á alcaldía de Tui por En Marea, compareceu hoxe na nosa sintonía dentro da rolda de conversas cos candidatos de Tui.

Comezamos a rolda de entrevistas cos candidatos á alcaldía de Tui. Hoxe acompañounos Juan Miguel Diz Guedes, nº1 de Ciudadanos.