Día a Día

Hoxe completamos a rolda de conversas cos grupos políticos presentes na corporación municipal de Tui coa entrevista con Carlos Vázquez Padín, alcalde de Tui e voceiro de c21.

Con el fixemos balance destes catro anos.

Michigan actuou o domingo de San Telmo xunto a Javier Gurruchaga, un dos seus ídolos, interpretando "Viaje con nosotros". No programa "Día a Día" contounos como foi esta experiencia que non esquecerá e tamén dos seus proxectos.

Hai tempo que o actor Suso Pando se meteu na pel do pintor Antonio Fernández dándolle vida na peza teatral elaborada dentro dos actos de homenaxe co gallo do 132 aniversario do nacemento do pintor realizados en 2014. Agora púxose ao fronte dun equipo para dirixir un documental sobre o pintor Goianés que foi estreado o pasado domingo. Hoxe falounos de cómo se xestou o proxecto e da acollida que tivo.

O voceiro do PP de Salceda, Santiago Rodríguez Dávila, referiuse hoxe na nosa sintonía á polémica xurdida nos últimos días en Salceda entorno á convocatoria dunha praza de tesoureiro de habilitación nacional, que non recibiu o respaldo da oposición en pleno.

Hoxe continuamos a rolda de conversas cos grupos municipais presentes na corporación municipal de Tui que iniciamos en abril. Esta mañá foi a quenda de Mila González, voceira de CsT, e concelleira de Educación, Mercado, Persoal e Formación e Emprego.

Na mañá de hoxe a alcaldesa de Tomiño falou na nosa sintonía do documental "A arte da humildade" sobre o pintor Antonio Fernández, que se vai estrear este domingo no Auditorio de Goian.

Aproveitou ademáis a ocasión para falar doutros asuntos da actualidade de Tomiño.

O próximo xoves dará comezo no Espazo Xove de Tui un curso de iniciación a robótica, gratuíto. Estará impartido por José Romero e Pedro Romero de B&A Formación. Contará dunha parte teórica e unha práctica e ademáis construirán o seu propio robot.

É un curso básico para persoas de idades comprendidas entre os 14 e os 30 anos que queiran iniciarse no mundo da robótica.

Tras dous anos de parón o domingo de San Telmo celebrouse a VI Cata de Colleiteiros, na que participaron 13 colleteiros, e cataron 16 viños. Marina Cruces, promotora desta actividade, daba conta dos premios outorgados a tres viños brancos e tres tintos.

Gañadores brancos: 1.Furancho Trigal de Caldelas; 2. Antonio Campero de Pazos de Reis e 3. Serafín Ocampo de Caldelas

Gañadores tintos: 1. Alberto Romer de Randufe; 2. Rosa María González Núñez de Caldelas e 3. Moncho Fontán de San Bartolomeu.

O Seminario de Tui continua a programación de actividades coas que está a celebrar o seu 60 aniversario. Hoxe mesmo celebran o 60 aniversario da colocación e beizón da imaxe da virxe ubicada nun dos claustros do Seminario. Os actos, dende ás 13 h, son presididos polo bispo da diocese de Tui-Vigo.

A imaxe da Virxe é obra do canteiro Quinteiro, de Ponteareas.

Mañá celébrase nos muíños do río Tripes a festa de Os Nosos Fariñeiros: burros e muíños. Actuacións de grupos tradicionais, muiñada, explicación dos muíños, percorrido polos sendeiros,...

Alberto Romer deunos conta das actividades previstas.