Esta fin de semana comeza o festival Música no Claustro na Catedral de Tui. Dende mañá até o próximo venres o festival acollerá cada noite ás 21:30h un concerto con entrada de balde. Mañá, na inauguración estaba prevista unha charla entre Samuel Diz, director do festival, e Maria Bolaños, directora do Museo Nacional de Escultura, pero esta tivo que ser suspendida por problemas de saúde. Falabamos con eles esta mañá.

Este luns deu comezo na academia de danza Paula Cobian o curso de danza impartido pola recoñecida Virginia Valero do conservatorio superior de Danza María de Ávila, en Madrid. Estiveron na nosa sintonía esta mañá Paula Cobian, a directora da escola tudense, Virginia Valero, da escola superior de Danza María de Ávila e Dani Rodríguez, ex alumno da primeira, e admitido este ano no conservatorio madrileño.

Do 13 ao 17 de agosto o Club Náutico San Telmo organiza a III Semana Náutica promovendo unha serie de deportes náuticos no río Miño dirixidos a rapaces e rapazas de 8 a 18 anos. Neste caso se trata dunha oferta a prezos reducidos

Julián Iglesias, técnico do Náutico San Telmo, explicaba en qué consiste esta actividade.

Para inscribirse os interesados poden pasar polo Club Náutico San Telmo ou contactar co 657 87 57 16

A asociación de Afectados de Paramos e Guillarei convocará unha nova mobilización neste mes de agosto, en data por concretar, en Tui. Seguen a reclamar a declaración de zona gravemente afectada por unha emerxencia de protección civil , e as exencións fiscais. Este martes celebraron asemblea na que ratificaron á xunta directiva e acordaron contratar a Calisto Escariz para a representación legal da asociación.

Este ano o festival xira en torno a figura de Diego de Avellaneda, obispo de Tui durante case unha década no século XVI. Poderase coñecer a súa historia, a do seu sepulcro e a súa chegada o Museo Nacional de Escultura. Comenzará o sábado cunha viaxe pola música relixiosa do século XVI e continuará durante toda a semana con concertos de artistas xa consolidados como Germán Díaz ou Tina Masawi sen esquecer o compromiso cos novos interpretes como Julia Caro ou Carlos Puga . Haberá tamén poesía a cargo de Yolanda Castaño, e un obradoiro de imaxinería castelá, encontros no ambigú e os tradicionais percorridos nocturnos con Suso Vila onde descubrirán o legado de Diego de Avellaneda na catedral de Tui.

Este venres haberá lúa chea, e debido a alineación do sol coa terra, producirase un eclipse total de lúa, probablemente o máis largo do século XXI. Esta mañá estaba un experto en astronomía na nosa sintonía.

O alumnado do IES Indalecio Pérez Tizón realizará prácticas o próximo curso en Italia e Portugal dentro do programa Erasmus +. É un programa que consiste en establecer convenios con empresas e institucións da UE para facilitar a formación en centro de traballo dentro da Unión Europea.

O Mercado de San Miguel de Tabagón, no Rosal, acollerá este domingo, 28 de xullo, a II Feira do Mirabel. Este froito estará presente de moi diversas formas, dende platos salgados e dulces, a cosmética ou augardentes. Ao longo da xornada haberá un amplo programa que explicou na RMT a concelleira de Cultura do Rosal, Charo Tabales.

A Comunidade de Montes Veciñais en Manb Común de Areas organiza para mañá á noite unha andaina nocturna polo monte Comunal. Está prevista a saída do Centro Cultural de Areas ás 22.30h para facer un percorrido de hora ou hora e media. Terán lúa chea e dende a Pedra do Aire poderán contemplar amais o eclipse de lúa previsto para mañá á noite. Así o explicaba Milucho Romero da Comunidade de Montes.

Non é preciso inscribirse previamente e basta con estar mañá ás 22.30h no Centro Cultural de Areas.

Pero amais teñen organizado un voluntariado para a prevención do lume aberto tanto aos veciños de Areas coma a todo aquel que queira sumarse.

O sábado, 4 de agosto celebrarase a VIII Travesía a Nado da Eurocidade Tui-Valença. Trátase dunha proba plenamente consolidada que co nome de eurocidade leva oito edicións, pero que se celebraba xa con anterioridade como lembraba hoxe Juanjo España, de Actividades Actuáticas Minho

A proba que este ano terá carácter popular cunha distancia de case 1000 metros entre o Cais de Valença e a praia da Mariña en Tui. A saída será ás 11 hora española coincidindo coa pleamar.