Día a Día

O alumnado do CEIP nº1 de Tui vai celebrar este venres unha "Reforestación Poética" no monte de Areas a carón do Viveiro Forestal co que van celebrar tanto o Día Mundial dos Bosques coma o Día da Poesía. Darán lectura a un manifesto e a poemas, amais de contar cunha charla sobre cómo plantar unha árbore, que logo porán en práctica. Pecharán con música da man da Gramola Gominola. Hoxe nolo contaron Martín Rosada, Triana Castro, Iria González e Xavi Maquieira.

Este sábado comeza o ciclo de andainas saudables da Eurocidade Tui- Valença. A primeira cita será o Trilho Sabores da Lamprea, cun percorrido de 6.5 km. A saída será ás 9.00h (hora portuguesa) da Igrexa San Pedro da Torre. Ó remate haberá unha degustación de lamprea. As prazas están xa completas.

22 xefes de servizo de atención primaria presentan a súa dimisión definitiva. Dimitiron por primeira vez hai tres meses, pero o SERGAS non o aceptou e comezaron a manter conversacións a partir das que, o Sergas, asumiu o compromiso de preparar un novo modelo de atención primaria atendendo ás necesidades solicitadas polos médicos. Onte volveron a dimitir, nesta ocasión, de xeito irrevogable. Sobre este asunto falou hoxe na RMT o Doutor Santiago Pose, xefe de servizo do centro de saúde de Tui.

O IES San Paio participará este mércores no Campionato Escolar Provincial de Orientación a Pé que se vai celebrar no Campus Universitario de Vigo no Parque do Coñecemento. Hai tres anos que neste instituto tudense comezaron a practicar este deporte. O equipo de Tui buscará praza para o Campionato Galego.

"Senior" é o título da comedia que mañá ás 21.30h presenta Culturactiva no Teatro Municipal de Tui. Con moito humor abordan a chegada aos 50 anos, e fano cos actores Luís Iglesias e Marcos Orsi. Este último falounos da obra que estreada hai un ano e que mañá chega a Tui.

O concello da Guarda abre hoxe mesmo as súa programación co gallo do día internacional da muller coa inauguración da mostra «Rompe. Xoga en igualdade», hoxe ás 12h na Casa dos Alonso.

Ademáis, mañá o propio día 8 de mazo, haberá concentración e lectura dun manifesto a que a concelleira convidaba a todos os veciños a achegarse.

O Seminario Menor de Tui ten previstas varias charlas e actividades para este mes de marzo para conmemorar o 60 aniversario da institución, que se vai celebrar en outubro deste ano, coa intención de compartir con toda a cidade tantos anos no municipio

Co gallo do Día Internacional da Muller que se celebra este venres, o concello de Tui ten previstas varias actividades organizadas pola concellería de servizos sociais.

Xa dende mañá pola noite e o venres a Área Panorámica iluminarase de lila ao tempo que se colocarán pancartas conmemorativas na fachada deste edificio e tamén da casa do concello.

Ademáis, o venres ás 12.30 h na praza do Concello haberá unha concentración, e será lido un manifesto a cargo da directora do CRA Mestra Clara Torres, Teresa Domínguez.

Obradoiros de igualdade de xénero, unha charla de Ianire Estébanez, talleres para profesorado, unha representación teatral e un mural conmemorativo forman parte das actividades co gallo do 8M en Tomiño.

Esta semana concretamente terá lugar, o xoves, unha concentración con lectura de manifesto, o venres ás 12 da mañá. O domingo, tamén englobado nas actividades do Día da Muller, ás 18.00h o auditorio de Goian acollerá a obra “Trinta e tantos ósos da compañía Aporía Escénica.”

Mañá ás 12 h do mediodía tomarase a decisión, función da previsión do tempo, de se pola tarde se celebra ou non o Desfile-Concurso de Entroido. Así o explicaba o concelleiro de Cultura, Eduardo Frería. De suspenderse adiarase para o domingo 17 deste mes.

Está prevista a participación de 850 persoas e 13 carrozas pertencentes a 10 comparsas de Tui, Tomiño, Salceda, Gondomar, e Redondela