Dende este luns e até o 27 deste mes 79 rapazas e rapaces están a participar no III Campus de Fútbol Sala Toñin Martín organizado por A Quinta de Tui nos pavillóns do IES San Paio e do vello pavillón municipal. É unha actividade de carácter lúdico no que amais de fútbol sala, practican outros deportes, van a piscina, realizan unha actividade rafting... coma explicou hoxe Xacobe Morais, coordinador do Campus.

O IES A Sangriña ten aberta ata finais de mes a preinscrición para a FP Dual de Carrozaría que agarda impartir o próximo curso escolar. Estiman contar con entre 8 e 10 alumnos que logo dunha formación teórica realizarán a formación prácticas en empresas da comarca. Coma requisito figura ter os 18 anos cumpridos ou cumprilos ao longo do curso. Deunos conta desta oferta formativa o director do IES A Sangriña, Carlos Alonso. +info 886 11 00 60

Hoxe as 8 da tarde no pavillón municipal de Tui disputarase o partido do Acanor Atlético Novás contra a Selección da República Dominicana. Será un partido solidario onde todo o recadado se destinará a plataforma de afectados da explosión de Paramos. O prezo será de 5€ para os adultos e entrada gratuíta para os menores de 14 anos.

Os albergues de Tui únense para loitar contra a competencia desleal de vivendas turística "ilegais". Queren promover unha oferta especializada, de calidade e regulada turísticamente. Os albergues véñense de unir para loitar contra as habitacións-vivenda de uso turístico ilegal que hai na cidade.

O seu obxectivo é reducir o impacto negativo da oferta ilegal e promover que Tui sexa un destino de calidade para peregrinos e turistas. xa que consideran que estoutra é unha práctica desleal que vai contra o desenvolvemento económico e xera descontento entre os clientes.

O estourazo a cargo da matroa Inés Curre dará o comezo oficial ás festas do Cristo en Salceda, nun programa no que destaca a actuación de Treixadura mañá á noite, o domingo o acto civíco salcedenses distinguidos. O programa previsto, do que nos falou o alcalde Marcos Besada, remata o luns, festivo local, no municipio.

Este domingo terá lugar no paseo fluvial o concerto solidario "Todos con Paramos" organizado polas bandas de Gaitas Lembranzas da Terra de Guillarei e a banda San Xoan de Paramos xunto cos alumnos do Conservatorio Profesional de música de Tui coa idea de, ademáis, doar todo o recadado a Asociación de afectados, levantar os ánimos dos seus veciños. A entrada custa 3 euros e haberá fila cero para quen queira comprar máis dunha. Están xa dispoñibles en distintos establecementos da localidade e poderán tamén mercarse no mesmo paseo fluvial o día do concerto. Haberá ademáis sorteos de agasallos doados por empresas que colaboran co evento. Acompañarán o concerto con pinchos e bebidas a partir das 7 da tarde no paseo fluvial.

Este mes de xullo se celebran actividades de turismo e deporte inclusivo organizadas pola asociación de persoas con discapacidade Vontade de Tomiño. É un dos proxectos gañadores do Orzamento Participativo Transfronterizo deste ano presentado por Vontade xunto coa Asociación Deportiva e cultural da juventude de Cerveira. A idea do proxecto é non solo para o mes de xullo senón tamén, para o inverno. Nas actividades de verán haberá tres modalidades de participación, unha de deporte turismo inclusivo para amosar o patrimonio cultural e fluvial do rio Miño, outra de orientación e unha proba de Slalom. O proxecto está tendo unha gran acollida con cerca de 160 persoas con mobilidade reducida inscritas de toda Galicia e Portugal.

Tristes e defraudados volven os afectados de Paramos e Guillarei tras acudir onte ao parlamento onde se debatía unha proposión non de lei sobre a catástrofe de Paramos QUE RECOLLÍA AS DEMANDAS DOS AFECTDOS que finalmente non saiu adiante ao votar en contra o PP. Así o explicaba o presidente da asociación, que reúne xa a 200 persoas, Salvador García. A desgravación fiscal, a atención psicolóxica e a reconstrucción 100% da zona cero son as demandas dos veciños

Amosaba Salvador García a súa decepción porque non se chegara finalmente ao consenso e non se dera unha imaxe de unidade ante aos vecinos.

Tamén avanzaba a convocatoria dunha nova manifestación, e continúan con contacatos institucionais

En canto as novas axudas aprobadas o pasado xoves no Consello da Xunta, que hoxe publica o DOG, agardarán a valoralas en canto as teñas estudadas as bases.

A actualidade deste mércores, 11 de xullo de 2018, en Noticias 13.30h

Onte o escultor Diego de Giráldez recibiu xa o encargo oficial da escultura de Don Ricardo García que será sufragada coa cuestación popular que está en marcha. Está previsto que sexa inaugurada en abril do próximo ano no Paseo da Corredoira.

Os organizadores desta homenaxe a Don Ricardo abriron hai meses unha campaña de cuestión para recadar os fondos necesarios para cubrir o importe da escultura. Hoxe Enrique Gómez, destacaba a gran resposta obtida con centos de persoas que xa teñen realizado a súa aportación.