O Teatro Municipal de Tui acolle hoxe martes, ás 21.30h o espectáculo "Desconcerto" a cargo da pianista Rosa Torres Pardo, da cantaora Rocío Márquez e da actriz Clara Múñiz. Hoxe falamos con elas deste concerto. As entradas poranse á venda ás 20.30h ao prezo de 4€.

Até mañá mércores, ás 23.59 h está aberto o prazo de inscrición para a Andaina Nocturna da Eurocidade que este sábado unirá o Monte Aloia e o Monte Faro nun percorrido de 17 quilómetros de dificultade doada. José Martínez Tato do club AndaTui, daba conta do espectacular do percorrido que rematará ao mencer.

Mañá celebrarase a XIX edición da Noite Internacional do Miño en Rebordáns, Tui. Contarán, unha edición máis, con grupos dos distintos continentes, este ano, Saiki de Xapón, Razdolie da República de Buriatia, a Compañía Artisitica Danzar de Colombia e o Ballet Calden Gaucho de Arxentina. Estiveron esta mañá no tempo de Día a Día os organizadores do evento, Pablo González e Alfonso González.

O IKFEM continúa cos concertos, hoxe será a quenda de Fernando Miguel Jaloto quen dará un concerto de música barroca para órgano en feminino onde fará un recorrido de obras de mulleres compositoras que viviron entre o século 17 e o 18, un período do cal a maioría da xente non coñece o seu traballo.

Jaloto quixo destacar a importancia do lema deste ano, o Woamn Sound, con este concerto preparado exclusivamente para o Ikfem. Para elo, tivo que facer un complexo traballo de investigación.

A empresa Fibralar oferta internet de alta velocidade no rural dos municipios de Tui e Tomiño. Estiveron con nós esta mañá os socios do operador, Rafael Fernández e Marcos Figueras , para contarnos o que hai que facer en caso tanto de non ter conexión a internet como no caso de buscar un cambio.

Hoxe ás 21:30h no Paseo Fluvial dentro do IKFEM actuará o pianista Júlio Resende nun concerto baixo o título "Amália, Fado & Further".

Hoxe venres comeza o festival IKFEM na Eurocidade Tui- Valença cunha xornada inaugural solidaria con Paramos e Guillarei. Hoxe se celebrará no Paseo Fluvial de Tui e o sábado e domingo se desprazará a Praza da República na Fortaleza de Valença. O luns e martes volverá a Tui, concretamente a catedral e ao aula da UNED.

Mañá á tarde haberá a posibilidade de seguir a xornada inaugural do IKFEM dende o río Miño coa fila H2O que oferta a empresa Verdeazul. Mercedes Martín explicou que brindan a posibilidade de seguir o evento en kaiak no propio río.

Amais para o venres 27 deste mes, coincidindo coa lúa chea, realizarán un descenso nocturno en kaiak dende Caldelas ata Tui.

O Paseo Fluvial será mañá o escenario da xornada inaugural do IKFEM, O Festival Internacional de Instrumentos de Tecla da Eurocidade 2018. Vaise celebrar dende mañá venres e ata o martes 24. Do mesmo falamos coa súa directora Andrea González, co concelleiro de Cultura de Tui, Eduardo Freiría, e o vereador de Cultura de Valença, Jose Monte.

O parque de merendas de Verdoejo acolle do venres 27 ao domingo 29 deste mes o IV Verdoejo Art Rock que combina música, arte e diversas actividades organizadas por Fas Diferente. Olando Oliveira, membro da organización, explicou o programa que teñen previsto con concertos de Peste&Sida, Eladio y los Seres Queridos, exposicións de Alfonso Vicente Rey, Camiño Caamaño ou Juan Coruxo e a XI Descida do Río Minho en Boia.