Día a Día

O concelleiro de Cultura, Patrimonio e Medio Ambiente de Tui, Eduardo Freiría falou esta mañá na nosa sintonía do telón do Teatro Principal, que será exposto nas festas de San Telmo depois dun traballo de limpeza restauración. Deu conta tamén das actividades previstas polo Día da Árbore e do peche do entroido este domingo co Enterro do Bacallau.

O grupo Mbolo Mooye Doolé presenta o seu disco "Suba" este venres, 22 de marzo, ás 22h no Sinatra Coctel Bar. Hoxe Alseyni Kamara e Vanesa Rodríguez falaronnos deste proxecto musical que fusiona a cultura galega e a senegalesa.

A 15 días de que comece o festival Play - Doc, a organización fai un chamamento tanto a persoas interesadas en participar como voluntarios ou como supporters. Ademais, as inscrición para os talleres e obradoiros do festival, xa están abertas.

Pablo Comesaña, productor de Play - Doc, detallou os requisitos.

O grupo composto por Pablo Costa e Santi Martínez, Take ir Easy, presentounos na nosa sintonía o seu novo traballo.

Mañá comeza a Mostra de cultivos do Baixo Miño no Pavillón de Goian coa intención de pór en valor o sector do agro da comarca traballando a partir de conceptos como sustentabilidade social e ambiental.

Ás 12.15 h terá lugar a presentación da misión comercial inversa que se realizará no sur de Galicia e no norte de Portugal. O obxectivo é contribuír ao posicionamento sectorial traendo a potenciais compradores e clientes estranxeiros ao territorio para que coñezan de primeira man os produtos e servizos da contorna, buscando así novas oportunidades de negocio. Ademáis, haberá un workshop de oportunidades de formación e emprego no agro. O resto da fin de semana está pensada para o público en xeral con citas coma os dous showcooking co chef Iván Méndez ou os xogos e talleres para nenos cunha temática vinculada principalmente aos cultivos e á froita.

Ás 18 h no salón de actos do Seminario Carlos Mouriño, presidente do Celta falará sobre “A vocación ao Deporte” dentro das conferencias que organiza o Seminario Menor co gallo do seu 60 aniversario. Así nolo contou Alberto Montes Rajoy.

1.200 inscritos, o máximo establecido, hai na VIII Eurocidade BTT que se celebra este domingo organiza polo club Biciosos. Unha proba que partirá ás 9 h dende a piscina de Valença. O sparticipantes poderán optar polo percorrido longo de 77 quilómetros ou polo curto de 45. Percorrerán as rúas de Tui, Valença, pasarán pola vella Ponte Internacional, e subirán ao Monte Aloia e ao Monte Faro.

O conto de Carlos Casares “A Galiña Azul” chega mañá ás 20 h ao Teatro Municipal de Tui da man de Tanxarina Títeres. A veterana compañía redondelá presenta unha adaptación deste texto coa dirección de Cándido Pazó e con Eduardo Rodríguez "Tatán", Miguel Borines e Andrés Giráldez como actores e manipuladores dos monicreques.

As comunidades de montes veciñais en Man Común de Malvas, Pexegueiro, Randufe e Areas convidan a todos os nenos e nenas a deixar a súa pegada ecolóxica nunha plantación de frondosas no monte comunal de Areas. Será este sábado ás 16.00h en Malvesada.

Ademáis, habera despois unha charla baixo o título “A tecnoloxía natural que coida de nós” a cargo de Manuel Domínguez Rey.

Malestar entre os afectados de Paramos pola posta en liberdade nas últimas horas de Francisco Lameiro propietario da pirotecnia La Gallega e do almacén ilegal que explotou o pasado 23 de maio no barrio da Torre. A xuíza decretou nas últimas horas a súa posta en liberdade provisional sen fianza, decisión que van recorrer os afectados.