Día a Día

318 persoas van participar esta semana na IV Semana da Educación de Tomiño que se celebra este ano baixo o título “Educación activa, sociedade proactiva”. A cita será cada día ás 19h no Auditorio de Goián.

Ademais, aproveitaba a alcaldesa para anunciar que se volve a presentar as eleccións municipais como cabeza de lista do BNG.

A Federación Galega de Empresarios de Ambulancias denuncia o sabotaxe a varias ambulancias do 061 que se saldou cunha queimada e outra con múltiples desperfectos como a rotura de cristais, pintadas e cables arrincados que obrigaron o seu reemprazo por parte da empresa para garantir o servizo de transporte sanitario urxente

Este fin de semana celébrase a festa na honra á Virxe da Saúde no Rosal que comezará esta mesma tarde coa Treboada do Alivio e a tradicional subida do Arco ás 18.00h. O sábado e o domingo haberá misas rezadas as 10.00h 11.00h e 17.030h e misa solemne as 12.00h. Ademáis o sábado haberá verbena con Gran Parada e Trébol e o domingo concerto da Agrupación Musical do Rosal.

Preto de 120 afeccionados o manga, anime e comics daranse cita o próximo luns no IES San Paio na primeira edición do comic-on Tuitaku. Será unha convención d que organiza o club tudense do Ies San Paio Tuitaku e no que varias actividades e concursos. O evento comezará preto das 10 da mañá e se prolongará ó longo de todo o día.

Hoxe están a ter lugar no Castelo de Vila Nova de Cerveira as Xornadas de Turismo no contexto transfronteirizo Cerveira – Tomiño.

No acto, que comezou as 9 desta mañá, déronse cita diferentes axentes relacionados co turismo que deron a coñecer as súas propostas para unha oferta común entre o territorio da Eurocidade. Houbo dúas mesas de traballo ó longo da mañá, unha sobre natureza, cultura e paisaxe e outra sobre a demanda e oferta turística. Alí estiveron a alcaldesa de Tomiño, Sandra González, o presidente da cámara de Vilanova, Fernando Nogueira e o director da AECT Rio Miño, Uxío Benítez. Un dos encargados da organización destas xornadas, Manuel Rodríguez, da fundación centro de estudos rexionais Galicia norte de Portugal, daba conta da importancia deste evento.

Talía Teatro presenta mañá venres, ás 21.30h, no Teatro Municipal a comedia "O servidor de dous amos". A compañía galega trae á actualidade o clásico de Goldini, nunha obra que ten a peculariedade de que actúa toda a compañía co gallo do seu 30 aniversario. Así nolo contou o seu director Diego Rey, quen tamén sobe ao escenario neste espectáculo.

Hoxe na nosa sintonía falamos de Platero, pero neste caso non é o Platero do que falaba Juan Ramón Jiménez, sino o Platero de Severino Oliveira, un veciño de Goian que acaba de mercar un burro para que lle faga compañía. É un exemplar de “Equus africanus asinus”, en perigo de extinción na actualidade dado que, segundo os últimos datos hai censados en España preto de 30.000.

Agora, Platero xa está adaptándose a vida en Goian xunto a Severino

Este mércores comeza na Radio Municipal de Tui a Escola de Nais e Pais "Pensando nunha nova educación" que se vai desenvolver os derradeiros mércores de cada mes até o mes de xuño. Serán seis sesións onde expertos sobre asuntos relacionados coa educación darán charlas e responderán as dúbidas que os ointes poidan ter en relación a temática de cada sesión.

Mañá celébrase a XXXIX edición da Regata Miño Internacional organizada polo Club Remo do Miño, en colaboración co Concello de Tui e a Federación Galega de Remo. A primeira saída, a de 4 skull feminino, será as 11.50h dende Currás, en Tomiño, e a chegada, 6 km despois, será fronte as instalación do Club Remo do Miño.

Este domingo a Eurocidade Tui- Valença acolle o IX Enduro Cidade de Tui organizado polo Motoclub Randufe.

Congregará preto de 180 corredores provenientes de toda España e Portugal. Arrancará as 11 da mañá e percorrerá as parroquias de Randufe, Malvas e Pexegueiro