Este domingo, 1 de outubro, celébranse eleccións autárquicas nos municipios portugueses. Sobre a situación política nos concellos do Alto Minho estivemos a conversar con Miguel Roja, xornalista de Rádio Vale do Minho.

Os portugueses están convocados a votar nas eleccións autárquicas que se celebran o domingo 1 de outubro.

Falamos con Pedro Lemos, candidato á Câmara de Valença de CDS. Este partido volve presentarse ás eleccións despois de oito anos de inactividade no municipio cun equipo de mozos que buscan, precisamente, reivindicar a presenza da xuventude.

Os portugueses están convocados a votar nas eleccións autárquicas que se celebran este domingo, 1 de outubro.

Tivemos ocasión de falar co candidato de CDU á Câmara de Valença, Alípio Nunes, sobre a súa proposta e as prioridades ás que se enfrontan o domingo como un dos partidos minoritarios.

O pasado 19 de setembro daba comezo o curso na Escola Oficial de Idiomas de Tui cuns 400 alumnos e distintas ofertas para aprender portugués, francés, inglés e chinés, unha das novidades. A pesares disto dende hoxe e ata o 11 de outubro estará aberto un novo prazo de matrícula co que pensan chegar a preto de 450 alumnos.

Falamos coa súa xefa de estudos, Elena Espinosa, e cos profesores de francés e chinés, Óscar Ferreiro e Alessia Malerva.

Este fin de semana o establecemento Quinta do Ramo terá xornada de portas abertas para presentar a posibles clientes as súas instalacións así como unha mostra de proveedores con que traballar en distintos eventos. Patricia de Ochoa é a responsable de Quinta do Ramo que nos deu os detalles.

Englobar nun único espazo unha tenda, unha cafetería, un punto de información e amais un establecemento hoteleiro valeulles a Ideas Peregrinas o premio Camiño de Santiago outorgado por Turismo de Galicia. En tan só ano e medio fixéronse un oco importante con nome propio no Camiño Portugués apostando pola innovación combinada coa tradición. As irmas Silvana e Mónica Crisóstomo están ao fronte desta iniciativa empresarial.

O Forum Peregrino “Os Camiños de Santiago en Galicia”, organizado pola Asociación Iacobus Tui, o Concello de Tui e a Deputación de Pontevedra, terá lugar este sábado, 30 de setembro, no Centro de Interpretación do Camiño no antigo Convento de San Domingos. No evento participarán representantes de distintas asociacións que traballan nos Camiños de Santiago en Galicia e que falarán sobre as actividades que se están a realizar e sobre as problemáticas ás que se enfrontan.

Sobre esta cita falamos con Victoria Álvarez, presidenta de Iacobus Tui e Baixo Miño, e con Alfonso Ferreira, membro desta asociación.

Lolo Alonso, Rita Núñez, e Javier Torre, tres membros do Colectivo contra a Moción de Censura en Tui estiveron esta mañá no programa Día a Día onde explicaron que tras a resposta positiva que tiveron da cidadanía este verán nas accións convocadas. Mantéñense á expectativa do que poida pasar e convocan á cidadanía a acudir mañá ao pleno da corporación.

Dobre cita esta fin de semana dentro do circuíto de andainas saudables da Eurocidade polo Camiño Portugués. O sábado a proposta é o percorrido entre O Porriño e Tui, e o domingo entre Vila Nova de Cerveira e Tui. José Martínez Tato, presidente de AndaTui, e Marina Carvalho de Celtas do Miño, déronnos os detalles destas andainas cuxo prazo de inscrición pecha este xoves.

A Fundación Las Samaritanas naceu como casa de acollida fai 12 anos da man de María del Carmen Colmenero, unha sevillana movida pola súa paixón por axudar aos demais. Dende hai dous, amais de traballar como casa de acollida e axuda, contan cun círculo de cursos cos que mellorar a vida das persoas dende outros ámbitos. Teñen un amplo calendario de actividades para os meses de outubro, novembro e decembro con opcións como un curso de preparación para a xubilación ou un obradoiro de Mente Activa.

Mª Carmen Colmenero, presidenta da Fundación, e Javier Montenegro, traballador social, déronnos máis detalles.