Día a Día

34 anos leva celebrándose a Carreira Popular de San Telmo que esta fin de semana terá unha nova edición. Dende hai oito anos está organizada polo Club Atletismo Tui, coma explicaba hoxe o seu presidente Rafael Pérez. Celebrarase o sábado, cun cambio de data para non interferir así con outros eventos que teñen lugar o domingo. A inscrición está aberta até mañá mércores ás 23.59h con carácter gratuíto.

Esta mañá realizouse na nosa sintonía o sorteo da ruta de petiscos Saborea Tui. O seu presidente Juan Carlos Blanco fixo balance da campaña.

Hoxe ás 21h o grupo de teatro da Asociación Cultural Santiago de Malvas estreará “Tecendo Mentiras” dentro da X Semana de Teatro Amador no Teatro Municipal de Tui. Rosana Domínguez Seves e Inma Rodríguez Álvarez baixo forman parte do elenco de nove actores que interpretan esta comedia. As entradas poranse á venda ás 20.30h ao prezo de 1,5€, sen numerar.

Un percorrido urbano de 8 quilómetros saíndo dende o Palco da Música na Corredoira o sábado ás 10h é o que se realice este ano na Andaina de San Telmo organizada polo club AndaTui e a Eurocidade Tui-Valença. A inscrición é gratuíta, ao formar parte esta actividade da Campaña de Prevención de malos tratos na infancia, polo que se solicita aos participantes que vaia cunha prenda de azul. José Martínez Tato, deunos todos os detalles.

O libro solidario Elefantes de Papel, de María Salinas e Berto Pirata, continúa o seu percorrido e este venres chegará á casa da cultura de Salceda. Levan xa máis de 20 presentacións, nun reto de realizar medio centenar. Hoxe María Salinas e Berto Romero, faláronnos de cómo está a ser a experiencia, na que haberá sorpresa final.

En Sobrada celebran hoxe a XXX Romaría do Lanzo da Cruz, unha tradición que se mantén ao longo dos anos cos tradicionais lanzos, e co abrazo dos curas das dúas beiras no medio do río coma sinal de amizade entre os dous pobos. Así nolo contou a historiadora Natalia Jorge.

O grupo de teatro Mesturanzas da Asociación Cultural Seixos Albos de Areas será o encargado de abrir esta noite, ás 21h, no Teatro Municipal a X Semana de Teatro Amador coa estrea de "Os pintores non teñen recordos". Hoxe Alicia Martínez e Miguel Iglesias dous dos actores faláronnos desta montaxe.

O deputado autonómico e exalcalde de Tui Moises Rodriguez Perez acompañounos hoxe para falar do seu traballo no Parlamento de Galicia, pero tamén da política local. Afirma que o PP de Tui ten que mirar cara ao futuro e preparar un candidato/a e un proxecto de cara ás próximas eleccións municipais.

Queda menos dun mes para comece Play Doc. Hoxe o seu produtor Pablo Comesaña acompañounos no programa Día a Día para falarnos de distintas iniciativas que teñen en marcha coma o Play Doc Support ou a captación de voluntarios para o festival.

O próximo luns, 2 de abril celébrase o Día Mundial da Concienciación do Autismo, e a Asociación Un Máis o vai conmemorar con distintos actos dos que hoxe nos falaron Clara Macedo, Montse Mon e Mónica Menéndez