Día a Día

Un dos pratos fortes da programación para a fin de semana das Festas de San Telmo é o concerto de La Edad de Oro del Pop Español, que terá lugar o domingo na rúa Compostela a partir das 22.30h.

Estivemos a falar con Pablo Perea sobre este proxecto co que intentan compartir con distintas xeracións a esencia do pop español dos anos 80 e 90.

O sábado 7 de abril a cita no Teatro Municipal é novamente coa X Semana de Teatro Afeccionado. O grupo Atalaia, do Centro Sociocomunitario, estreará a obra "Teño un tolo na casa".

Estivemos a falar con Miguel Pérez e Maximino Fernández. dous dos integrantes deste grupo.

Esta tarde continúa a X Semana de Teatro Afeccionado San Telmo con "Descotrol hospitalario" da man do grupo de teatro San Fins de Rebordáns. A cita será no Teatro Municipal, na Área Panorámica, ás 21h. Estivemos a falar sobres esta proposta teatral con Miguel Novás.

Mañá terá lugar na igrexa de San Domingos o IV Encontro de Bandas de Gaitas "Cidade de Tui", que nun principio se ía celebrar na praza de San Fernando e cambiu o seu emprazamento por mor da chuvia.

Este ano participarán a Banda de Gaitas de Cantabria, a Banda de Gaitas As Portelas de Lubián e a Banda de Gaitas San Xoán de Paramos. Estes últimos son os organizadores desta cita musical dentro das Festas de San Telmo e o seu presidente, Manuel Rodríguez, xunto cunha das integrantes, Bea Sio Campos, foron os encargados de falarnos do evento.

Areta Bolado é a directora do grupo de teatro Chirlomirlo da Asociación Cultural Xuntanza. O grupo estrea ás 21h a obra "Aquí non paga ninguén" no Teatro Municipal de Tui dentro da X Semana de Teatro Amador. As entradas, sen numerar, ao prezo de 1,5€ poranse á venda ás 20.30h

Onte á tarde celebrouse comisión de Facenda no Concello de Tui para tratar as propostas da oposición sobre os orzamentos de 2018. O voceiro socialista, Enrique Cabaleiro, indicaba que hai puntos de achegamento e aledábase que o alcalde modificase a súa postura inicial xa que explicaba que ante un documento tan transcendental non entendía a postura do alcalde de aprobar os orzamentos sen negociación previa. O incremento das partidas de Servizos Sociais e de Patrimonio son dúas das solicitudes feitas polo PSOE.

O realizador Peter Emanuel Goldman terá no Play-Doc 2018 a súa primeira retrospectiva en España. O festival tudense bríndalle así ao autor de "Echoes of Silence" unha homenaxe contando co propio autor en Tui, coma explicaba Ángel Sánchez, codirector de Play-Doc.

Mañá xoves ás 22.15h o grupo Broken Peach estará en concerto no Paseo da Corredoira de Tui dentro da programación das Festas de San Telmo.

Ás sete desta tarde na casa do Concello terá lugar unha comisión informativa de Facenda co obxectivo de que os grupos da oposición concreten as súas demandas con respecto aos orzamentos de 2018. Así o informou o alcalde, Carlos Vázquez Padín, confirmando a disposición do goberno a modificar algúns aspectos do proxecto de orzamentos que fóra levado a pleno anteriormente.

Tamén deu conta no cambio da programación das festas xa que debido á previsión de choiva o mercado de FoodTrucks, a actuación de dj Gramola e Broken Peach, terá lugar mañá xoves.

Prosegue a X Semana de Teatro Amador no Teatro Municipal de Tui. Hoxe ás 21h o grupo de teatro Aloia da Asociación Cultural Aloia de Pazos de Reis estrea “O lío que lle lían a Pío” de José Cedena. Secundino Domínguez e Lorena Pazo forman parte do elenco de nove actores dirixidos por Noelia Solla.