Día a Día

Este domingo terá lugar o III Trail Monte Aloia, unha proba de 25km organizada pola Comisión de Festas Virxe das Dores de Guillarei. Amais existe a posibilidade de facer o Mini Trail, unha segunda proba cun percorrido reducido de 15km.

Estivemos a falar con José Villaverde, un dos organizadores, sobre os aspectos principais da proba e o prazo de inscrición, que remata mañá.

Esta fin semana a Asociación Cultural Betún conta con tres propostas musicais. Comezarán esta noite coa súa habitual Jam Session e mañá terán un dos pratos fortes a partir das 22h co concerto de "Homem em Catarse" e o cantautor portugués Alfonso Dorido, co que tivemos ocasión de falar.

Xa o domingo continuarán os concertos con acento portugués ás 20h da man de "Laudo", dúo de cordas no que se mistura o laúde coa guitarra e os sonidos eléctricos.

Comezou a conta atrás para o comezo oficial de Play Doc, o festival internacional de documentais de Tui. A cita será o próximo xoves, 26 de abril, ás 20.30h no Teatro Municipal coa sesión inaugural, gratuíta, na que se proxectarán imaxes de Tui dos anos 60 e 70 rodadas por tudense en Super 8 acompañadas de música en directo. Contouno Ángel Sánchez, codirector de Play Doc, quen tamén nos falou da sección de cinema galego.

Este sábado o Auditorio do CILV acolle a presentación do documental "A cantiga do recreio", producida por Maria João Domingues e realizado por André Martins.

Estivemos a falar con Maria João Domingues e con Jorge Areais, técnico de cultura de Valença.

Hoxe ás 20h preséntase en Tui o libro "Meirás. Un pazo, un caudillo, un espolio" dentro do ciclo "Sobredo, 95 anos despois".

Estivemos a falar con un dos seus autores xunto con Manuel Pérez Lorenzo, Carlos Babío, sobre esta cita que terá lugar na Sala Xacobeo da Área Panorámica.

O Concello de Tui está a promover a través da concellería de Cultura e Patrimonio unha liberación de libros no conxunto histórico da cidade con motivo da celebración do Día do Libro e o Día Internacional dos Monumentos e Sitios.

Estivemos a falar con Eduardo Freiría, concelleiro de Cultura, Patrimonio e Medio Ambiente, sobre este e outros asuntos.

Falta moi pouco para que comece en Tui a 14ª edición do Festival Internacional de Documentais Play Doc.

Hoxe contamos coa presenza dun dos seus directores, Ángel Sánchez, que nos presentou a programación para os seis días de festival comezando polo acto inaugural que terá lugar o xoves 26 ás 20.30h, deténdose na retrospectiva de Peter Emmanuel Goldman e sen esquecer a sección de concurso ou as actuacións musicais.

Laureano Alonso, concelleiro de Son de Tui, lembrou hoxe as proposta que presentou para incorporar aos orzamentos da adquisición da casa de Salomón, que se suma ás recollidas no seu voto particular de humanización de Antero Rubín, dotar de material deportivo para o centro municipal de piragüismo e remo, e dotar de medios o Centro de Interpretación do Camiño de Santiago. Para Laureano Alonso o plantexamento de orzamentos presentado polo alcalde non ten encaixe, ao ser suma de ideas sen sentido.

Érguete Baixo Miño participou a semana pasada na XXXVI Asemblea Xeral Ordinaria da UNAD en Madrid.

Con este motivo estivemos a conversar co seu actual presidente, Victoriano Rodríguez, que nos deu conta de como é a situación nestes momentos das asociacións e federacións que traballan na loita contra as drogodependencias.

A RMT cumpre hoxe 25 anos, 25 anos informando sobre a actualidade máis próxima e facendo compañía a través das ondas. Esta mañá o Día a Día contou cunha edición especial para celebrar este importante cuarto de século.