Ás 16h presentarase no salón de plenos do Concello de Tomiño o Plan Estratexico do Sector Agrario do Baixo Miño nunhas xornadas abertas para facilitar a creación dun espazo de reflexión e intercambio de información entre grupos de interese do sector e entre a cidadanía.

A apertura das xornadas contará con participación de Sandra González, alcaldesa de Tomiño, e Patricia Rodríguez, presidenta de ACUBAM, coa que estivemos a falar sobre o seu obxectivo de gañar presenza no sector coa incorporación de novos cultivos e de outros asuntos relacionados con este Plan Estratéxico.

Acitui, a Asociación de Comerciantes de Tui, conta este Nadal con un concurso de escaparates no que aínda se pode participar, xa que o prazo para inscribirse é finalmente ata este venres 22. Contóunolo o presidente de Acitui, Juan Carlos Blanco.

Pero amais con el falamos tamén da Asamblea que celebraron o pasado venres 15 e do proxecto "América" para homenaxear aos emigrantes galegos a ese continente.

A sala Félix Rodríguez no edificio da Área Panorámica de Tui acolle mañá a partir das 19.30h a presentación do libro escrito polo doutor Rosendo Bugarín “Violencia de género. Aspectos éticos en la atención primaria”.

Estivemos a falar con Rosendo Bugarín sobre este traballo e sobre a evolución nas últimas décadas do tratamento da violencia de xénero dende as consultas de medicina xeral.

O padeeiro tudense amosouse hoxe doído polo comentario feito sobre el polo alcalde de Tui, Carlos Vázquez Padín. Explicou que o que máis dano lle fixo foi que dixese que era unha persoa acomodada, cando leva traballando dende os 16 anos na hostalería.

O alcalde de Tui, Carlos Vázquez Padín, reiteirou hoxe na nosa sintonía as desculpas polo comenterio que fixo nun tuit sobre o padeeiro Manu Garrido, recoñecendo que foi un erro esa alusión.

Tamén se referiu ao proxecto de remodelación do centro municipal de piragüismo, ou a presenza mañá en Tui de Alfonso Rueda para presentar o proxecto do novo edificio xudicial.

O vindeiro venres 22 de decembro celebrarase no Pavillón do IES San Paio de Tui o II Torneo de Nadal organizado polo Club Badminton Tui e patrocinado pola Deputación de Pontevedra. Estivemos a falar con Marisa Giráldez sobre este evento deportivo que se desenvolverá entre as 16h e as 21h.

A programación para mañá da Asociación Cultural Betún chega con triple proposta e un dos pratos fortes é o concerto de Sheila Patricia, intérprete e compositora que define o seu traballo como "world music" ou "folclore do mundo" e que presenta o seu primeiro disco "El Camino de los Sueños". Estivemos a falar con ela e tivemos o privilexio de escoitar dous temas en directo.

Amais Sergio Alonso deunos conta do resto de posibilidades para mañá.

Mañá a partir das 16.30h (hora española) a Piscina Municipal de Valença acollerá o VI Trofeo Eurocidade de Natación. Estivemos a falar con Juanjo España sobre esta proba que se vai consolidando ano a a ano.

Mañá sábado ás11h entréganse na aula Félix Rodríguez da Área Panorámica os premios do XXIV Certame de Poesía na Escola. Trátase dun certame organizado pola presidenta da Asociación de Poesía Baixo Miño, que chega este ano á súa última edición, xa que Emilia Rosende non se ocupará máis de organizalo. Estivemos a falar con ela sobre un certame que a acompañou durante moitos anos e que lle deixa grandes satisfaccións.

Magín Blanco estará este sábado ás 18h na Asociación Cultural Betún para presentar o seu libro-cd "Camiños". Trátase dun proxecto multidisciplinar que inclúe relatos, ilustracións e cancións. Estivemos a falar sobre el e sobre a presentación do sábado con Magín Blanco.