O 2017 está a ser un bo ano para o turismo en Tui dende o punto de vista do concelleiro de Turismo, Laureano Alonso. Nunha entrevista concedida á Radio Municipal fixo un bo balance dos datos dos últimos meses, pero tamén manifestou a súa aposta por desestacionalizar ese turismo que chega á cidade. Amais o concelleiro quixo reivindicar o Camiño Portugués pola costa así como o papel de Tui como cidade da cultura xudía.

Na temática de deportes falou sobre a Epic Race Pontevedra 2017, unha aposta da Deputación de Pontevedra que ten unha das súas etapas en Tui.

O sábado 16 terá lugar unha cita coas motos que chega á súa cuarta edición. A IV Concentración Moteira da Eurocidade reunirá aos seguidores das motos nun evento que este ano conta con algunhas novidades.

Falamos con Rubén Casaleiro e Marcos Míguez, do Motoclub Os de Sempre, que nos deron conta do que hai programado en canto a motor e deporte.

Esta fin de semana continúa a programación do Setembro Cultural organizado pola Asociaciación Lembranzas da Terra de Guillarei da que tivemos ocasión de falar co seu presidente, Francisco López. Mañá venres unha das propostas é a actuación do grupo Radio Bungalow, do que forma parte Ramón Corral, co que tamén falamos.

A Asociación Parkinson Baixo Miño celebrará por segundo ano o obradoiro de Risoterapia da Deputación de Pontevedra. Deunos conta desta actividade Felicitas Iglesias, vicepresindenta da Asociación Parkinson Baixo Miño.

O próximo 30 de setembro vai ter lugar en Madrid o I Congreso Médico Nacional sobre deleción 1P36. A xornada vai estar dividida en dúas partes. A primeira delas será o I Congreso Médico e a segunda parte será o II Encontro Nacional de Familias de nenos con este síndrome.

Falamos con Eva Martínez, membro da Asociación de Afectados de Delación 1p36, responsable da organización deste evento.

O sábado 16 de setembro celebrarase a primeira andaina do Camiño Portugués pola Costa dende Caminha ata Tui. Esta iniciativa quere poñer en valor o orixinal Camiño Portugués pola costa.

Falamos Victoria Álvarez, de Iacobus, con Manuel Fernández e José Luis Freijeiro, de 50km Salceda, e con José Martínez Tato do Club Andatui Regodapedra, que nos contaron como xurdiu a idea e en que vai consistir esta andaina.

A Xunta de Galicia ofertará nas próximas semanas 22 cursos de formación para persoas desempregadas na comarca do Baixo Miño de cara a incrementar as súas posibilidades de acceso ao mercado laboral. Sobre esta oferta formativa falamos con Aurora Carvajal, directora da oficina de emprego de Tui, así como doutros aspectos relacionados cos servizos aos desempregados.

O Concello da Guarda asinou o venres coa directora de Turismo de Galicia, Nava Castro, un convenio de colaboración para a execución do proxecto Porta do Tegra, unha iniciativa que mellorará os servizos para os visitantes do Castro de Santa Tegra coa execución dun centro de recepción e unha área divulgativa. Antonio Lomba, alcalde da Guarda, explicounos en que consistirán as intervencións.

Amais o rexedor da Guarda falounos do convenio con Portos de Galicia para a colocación de bolardos na entrada á zona peonil do Porto, que non se está a executar pola falta dunha acta de replantexo, así como do avance das obras no espigón e o paseo.

Eva Casado ven de atopar á súa dobre despois de cinco anos de intensa búsqueda a partir dunha foto feita na Tomatina. Falamos con ela sobre unha historia que se fixo viral e que lle permitiu lograr o seu obxectivo grazas ás redes sociais.

Esta fin de semana Goián acolle a última das probas do Campionato Galego de Motonáutuca organizado polo Club Sen Amarras. Despois de cinco probas que se levan realizando dende o mes de maio e que pasaron por Castelo de Miño, Boiro, Tui, Portosín e a Guarda, o Campionato chega á súa fin mañá sábado. Falamos desta proba con Carlos Estévez, secretario do Club Sen Amarras.