Este venres terá lugar a VII Andaina Nocturna Santa Compaña organizada pola Asociación de Veciños A Lavandeira na parroquia de Rebordáns. Unha proposta que chega a reunir unha media de 500 persoas e que sairá ás 22h dende o parque do Montiño para facer un percorrido pechado de algo máis de 5 km e dificultade baixa. Falamos sobre esta cita con Emilio Alonso, da Asociación A Lavandeira.

Tui é unha das localidades onde este ano se celebran as Xornadas Europeas da Cultura Xudea organizadas pola rede de xuderías. Estas xornadas, repartidas ao longo de 34 países europeos, buscan reivindicar o pasado da cultura sefardí no continente.

O historiador Suso Vila é o responsable das actividades propostas en Tui, únca cidade en Galicia das 11 españolas. Con él falamos sobre esta iniciativa e o programa para esta fin de semana.

Mañá martes a partir das 9.30h a sala situada no 1º andar do edificio da Área Panorámica acollerá unha conferencia a cargo do doutor Alfonso Alba, que falará sobre medicina personalizada.

O propio doutor Alba explicounos en que consiste esta disciplina na investigación médica actual e cales son os seus obxectivos.

A próxima semana terá lugar en Tui un Campus Multideporte organizado polo Tui Fútbol Sala e o Liceo Casino, no que poden participar nenos de 4 a 14 anos.

Alba Sobrino, secretaria do Tui Fútbol Sala, deunos algúns detalles desta proposta e Pepe Batle, coordinador dio campus, falounos de como se plantexa esta semana.

Esta fin de semana celébrase en Salvaterra de Miño a LVIII Festa do Viño do Condado do Tea, con ata 21 bodegas amparadas pola Denominación de Orixe Rías. A inauguración da festa terá lugar esta tarde ás 8 no Castelo de Doña Urraca, dando paso á primeira das noites gastronómicas nas que os viños Rías Baixas acompañarán distintos produtos da terra e do mar como polbo, marisco, embutido, churrasco ou lamprea rechea.

Falamos con Arturo Grandal, alcalde de Salvaterra, que nos deu conta do que haberá durante a fin de semana no recinto amurallado da vila.

No Betún, na rúa Cuenca, esta fin de semana teñen sesión doble tanto o sábado coma o domingo. Mañá actuarán o grupo punk-rock Stay Oute, seguidos de Pan Pan Dj. O domingo o saxofonista colombiano Leonardo Rojas dará comezo ás 20h a unha noite de música que continuarán os Roots 4 Clarinets.

Deunos todos os detalles da súa proposta musical o betuneiro Jorge Aldir. Amais falamos da proposta coa que es´tan a colaborar de Mandanga Delux.

Estes días está a ter lugar en Tui unha concentración de xogadores da Federación Galega de Baloncesto. Dende onte e ata o vindeiro martes 29 un grupo de 18 rapaces e 18 rapazas están a adestrarse en distintos pavillóns de Tui.

Falamos coa coordinadora, Cristina Castells, que nos contou en que consiste a concentración.

Esta fin de semana remata por todo o alto a programación cultural do Concello de Tomiño “Verán cultural: O son da praza” con dous concertos de excepción. O venres ás 22.30 terá lugar na Praza do Seixo o Concerto “A outra margem do Minho” a cargo da Agrupación Musical de Goián e Ana Laíns. Algúns dos arranxos son obra do compositor Andrés Álvarez, co que estivemos a falar.

O festival Arraianos ven de pechar o programa para a súa segunda edición, que terá lugar entre o 8 e o 10 de setembro en Tui. Falamos con Víctor Pérez Bugarín, que nos deu conta de todas as ofertas e actividades preparadas.

A oferta musical desta fin de semana en Tui pasa polo concerto do grupo ConTradición, que volve a ofrecer a súa música na Igrexa de San Domingos.

A cita terá lugar este venres 25 ás 8 e media. Tivemos a ocasión de falar con tres das súas integrantes, May Acebes, Alba Alonso e Silvia Capón, que nos contaron un pouco as novidades que teñen para esta ocasión.