Día a Día

Os escolares puxeron hoxe a primeira nota de cor ao Entroido da Guarda co desfile que protagonizaron esta mañá dende a Alameda polas rúas da vila. A programación continua xa na fin de semana con diversas actividade e culminará o martes co desfile-concurso. Coma novidade este ano sete restaurantes ofrecen o "Menú de Entroido". Deunos os detalles Elena Baz, concelleira de Cultura da Guarda

Estes cen días de goberno teñen sido de moito traballo, e máis complicados do que agardaban a priori, con total sintonía entre os concelleiros que forman parte dese goberno. Así o explicaba a concelleira de Ciudadanos Tudense, Mila González.

Como cada ano estudantes de Calais, no norte de Francia, están a facer un intercambio con alumnos do Indalecio Pérez Tizón, e unha das súas citas habituais é o paso pola RMT.

Eles mesmos nos contaron como está a ser a súa estancia e as principais diferenzas que atopan na súa convivencia con familias tudenses, principalmente relacionadas cos horarios ou cos gustos musicais.

Antonio Castro, voceiro do PP, fixo hoxe balance dos 100 días de goberno que presidente Carlos Vázquez Padín, e do que forma parte.

Explicaba que hai que tomar decisións dende o primeiro día, que están tomando decisión en equipo, e que teñen que pórse ao día nos distintos temas, póndolle empeño e gañas para conseguir os obxectivos marcados. Dende o primeiro momento dicía que tiveron claro que tiñan que coordinarse entre eles.

A Asociación de Comerciantes e Industriais de Tui está traballando para poder celebrar durante as festas de San Telmo de novo unha feira agrícola e industrial na cidade. Así o confirmou hoxe o presidente deste colectivo, Juan Carlos Blanco, quen indicou que xa tivo contactos neste senso co Concello, e que terían coma emprazamento as instalación do CEIP nº2. Xa cursaron invitación a posibles expositores de maquinaria agrícola, automoción, gastronomía, artesanía, e outros produtos.

En canto á promoción do comercio local teñen arestora en marcha a campaña de San Valentín

Xa para o mes de marzo durante as primeiras catro fins de semana porán en marcha a campaña Sabor a Tui, e están ultimando a convocatoria do IV concurso de Pintura ao Aire Libre que se celebrará en Tui o domingo 1 de abril.

A nova Agrupación Europea de Cooperación Territorial (AECT) Río Minho reúne á Deputación de Pontevedra e á CIM Alto Minho nun organismo que facilite o traballo cooperativo entre os concellos limítrofes dun e outro territorio. Ata 16 concellos do Baixo Miño e o Condado-Paradanta, xunto con dez cámaras portuguesas forman esta AECT, unha ferramenta para a cohesión da contorna do río Miño en moitos ámbitos. Uxío Benítez, deputado de Mobilidade e Cooperación Transfronteiriza e impulsor da asociación, explicounos máis polo miúdo en que consiste a AECT.

O voceiro do Partido Socialista, Enrique Cabaleiro, sobre os 100 días do goberno de Carlos Vázquez Padín, amosou no ámbito persoal decepción e tristura por cómo están indo as cousas, ainda que dicía era esperado tras a moción de censura, cun desprezo á xestión do anterior goberno. Afirmaba que a oposición está a facer oposición.

150 vehículos participarán mañá en Valença no Raid TT Eurocidade de Todo Terreos. Sairán ás 9 hora española dende o cuartel dos Bombeiros Voluntarios. O 24 deste mes celebrarase un novo Raid TT pero de motos. Carlos Esteves, presidente do club organizador, Tração ás 4 Valença, falounos do evento.

Avento producións estreou a pasada fin de semana na Sala Ártika de Vigo a montaxe teatral de “Aladino e a Lámpada Marabillosa”. Unha obra da que se pode volver disfrutar este sábado 3 de febrero ás 18h, e o domingo en función das 12h e das 18h. Ás entradas están á venda en TICKETEA. Falounos do espectáculo Marcos Avento.

Falamos con Nicanor Formigo sobre a súa plataforma para a gravación de bandas de música e corais. Unha inciativa privada que leva dous anos en marcha baixo o nome "A Laranxa".

As gravacións fanse tanto para discos ou como seguimento de actuacións en directo.