A Fada do Aloia organiza unha ruta especial para este sábado, xa que será unha ruta solidaria coa Protectora de Animais Aloia de Tui. Sairá este sábado, ás 11 h, para realizar un percorrido doado de hora e media.

É preciso inscrición previa no 619 96 90 90. No inicio da ruta recolleranse doazóns para a Protectora Aloia tanto de cartos en metálico, coma de comida húmida ou salchichas para cans e gatos. Así nolo contaron Natalia Lago, A Fada do Aloia, e Laura Abalde da Protectora de Animais Aloia.

María Freiría de Mar Jewelrin, Ana Alonso de Cabuxa, Aida Alonso de Aida Alonso Ilustración, e Gemma Fernández de Essentia HM contaronnos hoxe como está a ser a experiencia da tenda efémera Mercarte que até este domingo está aberta na Oficina Municipal de Turismo no Paseo da Corredoira. Tamén nos contaron os produtos artesanais que presentan. Convidaban a achegarse e coñecer as súas creacións.

A Alameda de San Domingos será o escenario de tres dos eventos que forman parte da programación do IKFEM Festival Tui-Valença que se vai celebrar o próximo mes de xullo.

O primeiro será o venres 18 ás 22.30 h co concerto de James Rhodes

O sábado 19 serán dúas as propostas musicais neste espazo.

Ás 12 h, con entrada gratuíta, celebrarase o concerto do concurso ‘Novas Ondas Sonoras. Os novos talentos con idades entre os 12 e os 30 anos da Eurorrexión Galicia - Norte de Portugal pódense inscribir até o domingo 22.

E tamén o sábado ás 20.30 h chegará o concerto ‘Rock en Familia: I Love Rock and Roll’ con O Oso Rosendo.

As entradas están á venda en ikfem.com e ataquilla.com.

Este domingo, día 15, o coro Mistura Vocal ofrecerá o concerto Nexus Aeternus, ás 20.00 horas, na igrexa San Domingos de Tui . O concerto terá como elemento principal a música do compositor e director de Euskadi, Javier Busto, tomando como referencia a súa vinculación con Galicia reflectida en obras con textos en galego.

Hoxe deunos todos os detalles desta cita musical, Aloia Martínez, directora do Coro Mistura Vocal.

Cabicheira xurdiu na pandemia, cando nos bares e cafeterías retiráronse os cinceiros. Aí Sonia González decidiu emprender en Tui e crear un deseño innovador e que se pode levar colgado no pescozo.

Estas cabicheiras fabrícanse no Rosal e están elaboradas a partir de plásticos reciclados. Hoxe a súa creadora contounos como é emprender na comarca e os motivos polos que cabicheira ten tanto éxito.

Buguina Turismo comezou hoxe a primeira das visitas guiadas á Catedral que organiza con motivo do 800 aniversario da consagración do templo catedralicio tudense. Deste xeito Bugina Turismo súmanse a este evento destacado ofrecendo este ano e o próximo preto de 50 visitas.

Así nolo contou hoxe Hugo Lage, responsable de Buguina Turismo.

A ruta conta cun prezo de reducido a 5€ persoa, ao que hai que engadir o prezo de acceso á catedral, 5€, para aquelas persoas que non sexan da diocese de Tui-Vigo.

A próxima visita será o 23 de xuño. O calendario completo pode consultarse en www.buguinaturismo.com, onde tamén se pode facer a reserva de praza.

Do 23 de xuño ao 9 de setembro vaise celebrar na Macoca, en Ludikeka , un campamento de verán. Nenos e nenas de 2 a 12 anos poderán gozar con xogos ao ailre, de auga, ou excursións. Pódese asistir días soltos, semanas, quincenas ou mes completo. Contan con opción 'madruga' e 'tupper'. Rebeca Fernández, de Ludikeka deunos todos os detalles deste campamento.

José Ferreria e Maike Rodríguez, da Comisión de Festas Virxe das Dores, avanzaron hoxe na Radio Municipal toda a programación que este sábado se poderá disfrutar no recinto de festas de Guillarei nas festas na honra a San Antonio. Ruta moteira, gastronomía e música, forman parte do programa previsto.

Rutas polo monte ou clases de hípica diarias son algunhas das actividades que os nenos e nenas poderán realizar este verán no campamento que organiza Equigalia para os meses de xullo e agosto.

O horario é de luns a venres, de 10.00 a 14.00 horas e o prezo por semana é de 150 euros. Paula López de Equigalia así o explicaba esta mañá na RMT.

Preto de 200 patinadores e patinadoras participarán este domingo, 15 xuño, na exhibición de fin de curso do Club de Patinaxe Artística Ribex. Será no pavillón Gustavo Rodríguez de Tui, ás 17.30 horas. A entrada é libre e gratuita até completar aforo.

Así nolo contou a adestradora do club, Carolina Figueroa, que tamén fixo balance desta temporada.