Unha peza de danza a cargo de Javier Martín e a,proxección da película de culto “On the Bowery” darán mañá o pistoletazo de saída á programación deste 2017 de Play-Doc. A cita será ás 20.30h no Teatro Municipal coa sesión inaugural con entrada de balde, na que dende o Festival Internacional de Documentais de Tui agardan o respaldo do público. Sara García e Ángel Sánchez son os seus directores.

Achegar aos artistas da zona un certame no que pintar Tui e a comarca do Baixo Miño é o obxectivo do Concurso de Pintura convocado por ACITUI. Do mesmo faláronnos hoxe o seu presidente, Juan Carlos Blanco, e José Diéz, de Efectos.

O próximo luns celébrase o Día do Seminario. Por ese motivo visitáronnos Fernando Cerezo, rector do Seminario Menor de Tui , e algúns do alumnos. Faláronnos do centro das actividades que realizan para celebrar este día.

O 31 de marzo a aula da UNED de Tui acolle un obradoiro gratuíto de Marcha Nórdica a cargo de Nacho García. No mesmo poderemos coñecer qué a Marcha Nordica, a súa técnica ou os seus beneficios.

Máis de 80 postos de artesanía, antigüidades, produtos ecolóxicos, sobremesas, coiro, bixutería, segunda man... daranse cita este domingo no Paseo da Corredoira de Tui. Será na II Feira de San Carnaval que se celebrará de 10h a 21h organizada polo Concello de Tui coa colaboración de Ppartmin Creativas. Terá carácter solidario xa a recadación dalgunhas das actividades previstas serán para SOS Tomiño Baixo Miño e a protectora de animais de Tui Aloia.

A Asociación Cultural Betún achéganos dobre proposta musical esta fin de semana. Hoxe ás 22h actuará The Mob Swing, unha banda viguesa con influencias do swing, son New Orleans, soul e incluso funky. E mañá sábado, tamén ás 22h será a quenda de Pálida e cocón con música electronica. Os socios betuneiros terán que facer unha achega parao grupo de 3€ hoxe e 4€ mañá.

Este domingo ás 18h no Balneario de Caldelas terá lugar unha homenaxe a Constantino Fernández, "Tante". Montse Núñez, Silvia soutelo, José Ángel Paramos, e Manuel Vázquez de la Cruz déronnos conta do porque desta lembranza e dos actos previstos.

Este sábado, 18 de marzo, ás 18 hora española terá lugar o paseo “Historias das rúas, vidas ocultas e personalidades”

Isilda Salvador e José Ramón Fernández transmitirán nesta visita o que é a historia das rúas valencianas e a súa relación co espazo que o rodea.

É preciso inscrición previa en [email protected] co prezo simbólico de 3€ que inclúe unha pequena merenda e o seguro.

Esta fin de semana volverá poder disfrutarse do Saborea Tui, unha iniciativa de ACITUI, en 23 establecementos. Hoxe coñecementos cal é o petisco que nos ofrecen no Biper e no Asador San Telmo. Contáronolo Marina López e Julián Ramírez. Lembramos que cada venres e sábados de marzo entre as 19h e as 23h nestes establecementos ofrécennos un petisco coa consumición.

Este domingo celébrase o Trilho Sabores da Lampreia que abre o circuíto de Andainas Saudables da Eurocidade. Sairá ás 10 hora española dende a igrexa de San Pedro da Torre en Valença ou quinte minutos antes do aparcamento do Lidl en Valença. Será un percorrido de 7 quilómetros e inclúe unha degustación de lamprea no final. Marina Carvalho de Celtas do Minho explicou esta andaina.

As prazas son limitadas, van a bo ritmo de inscrición, e é preciso anotarse nos teléfonos 00351.934.440.770 ou 607.785.601, ou no correo [email protected], cun prezo de 5€ por andaina, nos que se inclúe unha degustación.

Toda a información destas andainas pode encontrarse no facebook “Caminhadas Saudáveis e Andainas Saudable”.