Play-Doc establece este ano unha colaboración coa prestixiosa sala Metrograph de Manhattan coa presenza en Tui do seu programador Jake Perling, coma parte do xurado, pero tamén cunha proposta audiovisual ligada a figura de Dominic Gagnon. Os directores de Play-Doc, Sara García e Ángel Sánchez así nolo contaron hoxe

Os directores de Play-Doc, Sara García e Ángel Sánchez, faláronnos hoxe de Dominic Gagnon, a quen este ano o festival dedica a súa retrospectiva. O realizador estará en Tui para falar do seu traballo e tamén dalgunhas anécdotas xurdidas na procura de imaxes na internet. Lembra que Play-Doc comeza o próximo mércores día 22 de marzo.

Dentro da campaña pola Igualdade Real hoxe conversamos coasdúas xuízas que están ao fronte dos xulgados de instrución nº1 e nº2 de Tui Enriqueta Sanmartín Carbón e Ana Cabildo Quintás.

Pese aos avances producidos nos últimos anos recoñecían que queda moito por facer. E salientaban a importancia de ter en conta o mérito e capacidade das persoas non se son homes e mulleres.

A educación xoga para as xuízas un papel clave tanto para lograr a igualdade real coma para loitar contra a violencia de xénero.

Mecánica, fontaneira... son algúns dos oficios realizados habitualmente por homes nos que traballou María Clara Lorenzo Núñez, a nosa convidada de hoxe na Campaña Pola Igualdade Real. Tras ter traballado e vivido en Alemaña non entende as diferencias que aquí seguen existindo entre homes e mulleres en moitos ámbitos, entre eles os laborais e salariais.

Continuamos a conta atrás para Play-Doc, o Festival Internacional de Documentais de Tui, estamos a 9 días do comezo e ao longo desta semana iremos coñecendo con detalle todo o que poderemos disfrutar do 22 ao 26 deste mes.

Ángel Sánchez, director do festival xunto a Sara García, falounos hoxe dos concertos que se celebrarán o venres 24 e o sábado 25 na Sala Metropol. O venres 24 poderemos disfrutar con Joan as a Police Woman.

As entradas en venda anticipada xa están dispoñibles na web do festival ao prezo de 14€, e no despacho de billetes custarán 17€. Existe amais un abono para venres e sábdo de 20€. O sábado será a quenda de Star Rover e The Dirty Coal Train

En canto a programación que poderemos disfrutar Ángel Sánchez destacaba que serán cinco días moi intensos con moi diversas propostas.

A formación é outro dos piares do festival con catro obradoiros e masterclass. A matrícula pode realizar ainda a través de www.play-doc.com

Quedan once días para que comece Play-Doc. Un festival que nos ofrece o mellor do documental pero tamén formación ao través de diversos obradoiros. Un deles é o Seminario da Crítica organizado xunto á Cuarta Parede, pero tamén o se celebrará o taller de Super 8 e o encontro con Marta Andreu “O primeiro xesto documental”. Ángel Sánchez, codirector de Play-Doc deunos conta desta aposta xunto a Brais Romero da Cuarta Paredes

O drama dun home que observa como a súa loita cae en saco roto como escusa para falar da xestión da esperanza e a administración da derrota, aínda cando un sabe que a súa causa está esgotada. Da esperanza e da derrota en tódolos ámbitos da vida e actualizada dende a figura do Foucellas, un guerrilleiro e maquis galego, Benigno Andrade García, que rematou asasinado en 1952 despois de loitar contra o franquismo. Talía Teatro recolle a súa historia para reflexionar, nunha mestura de ficción, mito e realidade da importancia de enfrontarnos aos nosos medos e retos na vida e de loitar cando consideramos que a nosa causa é xusta.

Hoxe ás 19:00h a Área Panorámica, acollerá unha mesa redonda “Tui 2020: contribucións á evolución da cidade” coa que se clausura a exposición que a Escola Superior Gallaecia, ESG, de Vila Nova de Cerveira presenta en Tui dende o pasado mes de xaneiro. Gilberto Carlos, director do curso de arquitectura e urbanismo da ESG; deunos conta desta proposta.

Ángela Vidal foi das primeiras arquitectas na comarca en abrir o seu propio estudo independente. Hai 26 anos que comezou a traballar nun sector, o da construción, dominado polos homes. Nestas case tres décadas de traballo avanzouse positivamente no seu campo na igualdade da muller aínda que tamén recoñecía que ten notado un retroceso no trato cara a muller nas novas xeracións.

No Betún hoxe venres celebran a tradicional Jam Session de cada primeiro venres de mes que foi aprazada até esta noite. Boa música e improvisación total é a idea chave desta noite. Pola súa parte, tamén ás 22h pero mañá, a cantautora Miriam Sandoval interpretará a mellor música arxentina coa súa gran riqueza poética coincidindo co Bicenenario da Declaración de Independencia do país.