Día a Día

Este sábado, 19 de agosto, terán lugar dentro da programación da VII Festa do Miño o VII Descenso Popular e o XLVI Descenso Internacional do Río Miño. Falamos con Manuel Pedrares, técnico do Club Kaiak Tudense, sobre estas dúas probas deportivas que reunirán a centos de persoas.

Este domingo, 20 de agosto, celébrase a VII Travesía a Nado da Eurocidade organizada pola Eurocidade Tui-Valença, o Club Natación Eurocidade Baixo Miño / Actividades Acuáticas Minho

A inscrición para a travesía está aberta ata mañá venres ás 20h, aínda que tamén se poderá facer no mesmo día. No caso dos menores de idade deberán entregar unha autorización dos pais ou titores. Falamos con Juanjo España, xerente do Club Actividades Acuáticas Minho, que nos explicounos a forma de inscrición e tamén en que vai consistir a travesía, e con Laureano Alonso, concelleiro de Deportes do Concello de Tui.

Hoxe falamos con Dino Pacio Lindín, coñecido como Dino de Ximil, galego natural de Pastoriza, en Lugo, que foi profesor nas universidades de Rochester e Forham, así como na Universidade da Cidade de Nova Iorque (CUNY) e do Estado de Nova Iorque (SUNY). Defensor dos dereitos dos inmigrantes e promotor do galego como lingua oficial, foi fundador e director de programas culturais, sociais e educativos como o programa televisivo emitido en Nova Iorque Solidaridade Humana.

Valença celebra as súas Festas na Honra da Nosa Señora do Faro dende hoxe e ata o vindeiro martes, 15 de agosto. Falamos con José Montes, vereador de Cultura do Concelho, que nos deu conta do amplo programa co que contan estes festexos.

Mañá, sábado 512 de agosto, terá lugar en Salvaterra de Miño a proposta "Imos de Guateque".A cita é a partir das 22h no recinto amurallado e todos os interesados están convidados a acudir caracterizados coma nun guateque dos anos 60, 70 e 80. Así nolo explicou Marta Valcárcel, concelleira de Cultura do municipio.

A Guarda vive a súa semana grande coas Festas do Monte. Por este motivo falamos hoxe co seu alcalde, Antonio Lomba, que convidou a achegarse á Guarda na fin de semana e disfrutar tanto mañá do desfile de bandas coma o domingo da romaría, e do resto da programación prevista.

Mañá sábado o novo pavillón de deportes de Tui acolle, dentro das actividades deportivas da Eurocidade Tui-Valença, o VI Torneo Eurocidade de Balonmán. Ás 19h xogarán os equipos femininos do Balonmán Porriño e o SAR de Redondela. Mentres ás 20.30h enfrontaranse os equipos masculinos do Condes de Albarei Teucro e o portugués Aguas Santas. A entrada será de balde.

Precisamente hoxe falamos co adestrador do Teucro, Enrique Domínguez, quen deu conta de que este partido forma parte da pretemporada do equipo.

Hoxe os pasaxeiros do Tren Peregrino de Renfe, que está a facer nas fins de semana de agosto unha ruta polo Camiño Portugués, teñen parada en Tui, onde poderán comezar a primeira etapa do Camiño a Santiago ou facer distintas visitas guiadas. Falamos con Óscar Sainz, responsable de Trens Turísticos de Renfe, que nos falu desta iniciativa.

O Festival Arraianos terá lugar en Tui os días 8, 9 e 10 de setembro. A organización está poñendo todo a punto e esta semana, concretamente o venres, pechanse as solicitudes para participar como servinte no banquete medieval e para os locais interesados en ter un posto no Mercado coas receitas de poñente de Xogo de Tronos.A directora deste festival, Andrea Costa, e Víctor Pérez Bugarín, membro da Asocación e colaborador do evento, contáronnos como están a ser os preparativos.

Boas expectativas son as que hai para a vendima deste ano no que se pode ser a segunda mellor colleita da historia. Así o confirmaba esta mañá Iago Pérez, director técnico de Consulvin.

Explicounos amais que é o estado da uva nestes momentos con carácter xeral.