Mañá será todo un clásico da literatura infantil o que chegue ao teatro tudense. Será a Sireniña de Andersen pero cunha versión realizada por Pablo Vergne coa compañía La Canica de Madrid.

A cita será ás 19:00 horas destinada a público familiar e infantil.

Hoxe ás 21.30h Contraproducións presenta “”O Tolleito de Inishmaan”. Esta é unha comedia negra, “ácida e amarga”, que presenta unha ampla diversidade de pintorescos personaxes que viven as súas cativas vidas como poden e como saben. . E xunto a eles, un eivado, un ser desfavorecido que ten a arela de transcender desa pequena cárcere que supón a illa na que habita e lograr o seu soño de ser valorado.

Hoxe ás 22h chega Palankalama, un cuarteto de Porto dedicado á música instrumental. As súas composicións baséanse na música tradicional/folk de diversas regións e imaxinarios.

Mañá tamén ás 22h será a quenda da banda anglo-guardesa The Loopholes formada por Bruce Salinas e Daniel Alonso. Destilan un son moi contundente de natureza folk pero con reminiscencias grunge ao metal.

Este domingo ás 9:30 hora portuguesa, 10:30 hora galega, terá lugar en Valença a primeira ruta turística do programa Caminhos da Cultura que se desenvolverá ao longo de todo o ano.

A cita consistirá nun roteiro pola cidade en torno á figura de San Teotonio, patrón de Valencia nacido na cidade en 1082. A ruta, que será en bicicleta, levará aproximadamente 3 horas e contará con guía en portugués e castelán.

O Instituto de Estudos Agrarios Mártires de Sobredo organiza un ciclo de conferencias baixo “A actualidade dende Sobredo”. A primeira cita será mañá ás 19h na Sala de Conferencias do antigo Convento de San Domingos coa Conferencia “Galiza, unha das primeiras nacións de Europa” a cargo de Camilo Nogueira Román, político e pensador galego. A presidenta do instituto, Marga Romero, falounos desta iniciativa.

Hoxe coñecemos máis de preto ao Centro de Ocio Infantil e Familiar Chirlomirlo que hai uns meses abriu na planta cero do Outlet Tui. Fátima García deunos conta dos servizos e actividades que organizan

Ás sete desta tarde no Audiotorio de Goián Begoña Ibarrola (Bilbao), licenciada en Psicoloxía, terapeuta infantil, investigadora, escritora e docente falará de “Aprender a ser un mesmo e unha mesma e a convivir en harmonía: claves para cambiar o mundo”. Dentro da II Semana da Educación de Tomiño.

A colaboración do comercio local, o prazo de inscrición para os talleres do festival, a recollida de pezas audivisuais en Super 8 e a campaña de colaboradores voluntarios en Play-Doc, foron os temas abordados polo produtor do festival, Pablo Comesña, na nosa sintonía. Anota as datas de Play Doc: do 22 ao 26 de marzo.

O 20% das vivendas de Tui, Tomiño e o Rosal superan os 300 becquerelios por metro cúbico de gas radón, o tope fixado pola normativa europea. Este gas, con gran presenza no noroeste peninsular, é o principal factor de risco do cáncer de pulmón despois do tabaco e o primeiro naquelas persoas que nunca fumaron.

Hoxe comeza a II Semana da Educación organizada polo Concello de Tomiño, que se celebrará ata este xoves no Auditorio de Goián. Na mesma abordaranse estratexias para ensinar e aprender con intelixencia emocional e lograr, deste xeito, menos fracaso escolar. Desta semana da Educación falábanos a alcaldesa de Tomiño, Sandra González.

Incidía a rexedora en que en Tomiño queren destacar pola súa aposta pola Educación. Entre as acción que promoven esta esta semana na que teñen preto de 300 inscritos.

Hoxe luns ás 19h Mar Romera, presidenta da Asociación Pedagóxica Francesco Tonucci, mestra, psicopedagoga e especialista en intelixencia emocional será a encargada de inaugurar as conferencias “Educar con tres Cs: capacidades, competencias e corazón”. Continuarán ata o xoves cada día ás 19h no Auditorio de Goián.