Play-Doc bateu record de público na edición deste ano con 8.232 espectadores, son 700 máis que en 2015. Esta é a mellor cifra de público da súa historia. A este público hai que sumar os espectadores que están a descubrir Play-Doc no resto da xeografía española a través da xira do ciclo de Charles Burnett. Ángel Sánchez, director do festival xunto a Sara García, amosaba a súa satisfacción por estas cifras pero tamén pola repercusión lograda nesta edición.

Este domingo, 1 de maio, sae dende as Portas do Sol, na Fortaleza de Valença o Trilho da Fortaleza que forma parte do Circuíto de Andainas Saudables da Eurocidade. Terá unha distancia de 6 quilómetros e dificultade baixa. Marina Carvalho, de Celtas do Minho, deunos conta das características desta andaina.

A inscricións - que inclúe degustación gastronómica- pódese facer en [email protected], ou no móbiles 00351.934.440.770 e 607.785.601. O prezo é de 5€ por persoa e 3€ para menores de 12 anos.

No Espazo Xove de Tui está aberto o prazo de inscrición tanto para o curso de cultivo de Cogomelos como para o Obradoiro de Cócteles sen alcohol. AS dúas son gratuítas e se celebrarán o 27 de maio e o 3 de xuño respectivamente.

Por outra parte este sábado remata o prazo para o Campamentos de Verán para persoas con discapacidade.

Mónica Bugarín,a directora deste centro xuvenil, deu conta asemade da convocatoria do Certame de Novos creadores, que este ano inclúe tamén a cociña entre outras moitas especialidades. O prazo está aberto ata o 30 de xuño.

Toda esta información pódese ampliar no Espazo Xove de Tui, na rúa Sanz ou no teléfono 886 11 07 97.

Este sábado ás 12h, con sorpresa incluída, terá lugar a inauguración da XX Feira de Artesanía organizada pola concellería de Turismo do Concello de Tui. Poderá visitarse de 12 a 22h tanto o sábado coma o domingo nas rúas Ordóñez e Seixas e nas prazas do Concello e San Fernando coa presenza de máis de 70 postos e artesáns traballando en directo nos seus produtos. Non faltará a animación con grupos folclóricos, actividades infantís, inchables...e unha exposición de fotografías antigas de artesáns na Oficina de Turismo. Así nolo explicaron o concelleiro de Turismo Laureano Alonso, e Susi Pérez de +KArte.

Hoxe ás 23.59h remata o prazo de inscrición para o I Trail Monte Aloia que se vai celebrar este domingo organizado pola Asociación Cultural Comisión de Festas Virxe das Dores de Guillarei. O Trail constará dun percorrido de 25 quilómetros polo Parque Natural do Monte Aloia cun desnivel de 1.400 metros.

Amais celebrarase tamén un minitrail con 15 quilómetros de percorrido e 800 metros de desnivel

A inscrición para participar tanto no Trail coma o Minitrail está aberta ata hoxe ás 23.59 a través da plataforma ChampionChip.

Hoxe foron suspendidas as clases no CEIP de Pazos de Reis tras o incendio dun deshumidificar rexistrado o pasado sábado no centro. O fume e o po afectaron a toda a parte baixa do edificio. Hoxe faise balance de danos. Da situación no centro faláronnos a concelleira de Ensino, María José González, e o director do centro Manuel Fálquez.

Este domingo celébrase na Praza do Calvario no Rosal a XIII Feira do Libro na que se darán cita varias librarías que ofrecerán un desconto dun 20%. Amais está previsto ás 12h a actuación Mbolo Mooye Doolé presentando “contos africanos” con música en directo, e ás 17.30h a actividade “Entre libros anda a maxia”. Contounolo Charo Tabales, concelleira de Cultura do Rosal.

A actividade "Tui le" que se ía celebrar hoxe co gallo do Día do Libro foi adiada ante as previsión de choivas para hoxe. Posiblemente se celebre en datas próximas ao Día das Letras Galegas. Si se vai celebrar mañá "A lingua de signos nas túas mans", unha actividade de contos contados en lingua oral e de seginos, na Biblioteca Municipal. Así nolo explicou a concelleira de Cultura de Tui, María José González.

Mañá sábado, 23 de abril, ás 12h no Segundo andar Mercado de Tomiño vai ter lugar a presentación - coincicidindo co Día do Libro - do proxecto participativo "biblio", que pretende sentar as bases da futura biblioteca municipal. Contounolo a concelleira de Cultura de Tomiño, Cristina Martínez.

A actividade "Tui le" que se ía celebrar hoxe co gallo do Día do Libro foi adiada ante as previsión de choivas para hoxe. Posiblemente se celebre en datas próximas ao Día das Letras Galegas. Así nolo explicou a concelleira de Cultura de Tui, María José González.

Si se vai celebrar mañá "A lingua de signos nas túas mans", unha actividade de contos contados en lingua oral e de signos, na Biblioteca Municipal.