Os directores do Festival Internacional de Documentais de Tui, Play-Doc, Sara García e Ángel Sánchez, faláronnos hoxe dos ciclos que poderemos ver durante o festival: a restrospectiva de Charles Burnett, o programa Avan-Gutter realizado por Akosu Adoma Owusu e a proxección de curtametraxes de Cinema Experimental Iogoslavo. Este haberá de novo dúas salas, e o prezo da entrada será de 2€.

O próximo mércores, 13 de abril, comeza unha nova edición de Play-Doc, o Festival Internacional de Documentais de Tui. Os seus directores, Sara García e Ángel Sánchez, explicáronnos hoxe as liñas mestras deste ano.

Ángel Sánchez sinalou que se trata dun festival moi diverso e intenso. Sara García explicou que lle fai especial ilusión o estreo da película “A poem is a naked person” de Les Blank, que se estreará en España.

Tanto Ángel Sanchez coma Sara García deron conta tamén a importancia destacada que este ano ten a música non só con concertos senón tamén nos propios documentais

A concellería de Patrimonio do Concello de Tui convoca aos veciños do Conxunto Histórico a unha reunión este sábado, 9 de abril, ás 19.30h, na Aula da UNED de Tui. O obxectivo do encontro será por en común o traballo que se está a realizar dende este departamento, dirixido por Carmen Núñez, escoitar o parecer, as necesidades e inquedanzas dos veciños.

O pasado venres, 1 de abril, cumpriu 5 anos Radio Mocidade que emite por internet dende Tomiño. Para celebrar este aniversario están a realizar unha programación especial da que hoxe nos deron conta Josu, Esteban Gómez e Marcos Casaleiro.

Este sábado, 9 de abril, dende ás 10h terá lugar en Monçao o II Encontro Minho-Galicia. A cita será na casa-museo de Monçao co cinema coma protagonista incluíndo a visita ao Museo do Cinema de Melgaço. Fernando Groba, un dos organizadores deunos conta de todos os detalles desta iniciativa.

Play-Doc, o Festival Internacional de Documentais de Tui, estrea o documental “A Poem is a Naked Person” de Les Blank que foi prohibido en 1974. Play-Doc recupera este filme por primeira vez en España e poderá verse tanto no propio festival a próxima semana coma na canle do festival en R.

Así nolo contou hoxe Ángel Sánchez, codirector do festival.

Pero amais no Play-Doc poderanse ver outros tres títulos deste realizador. O festival lembramos que se celebrará a próxima semana, do mércores 13 ao domingo 17.

A Asociación de Parkinson do Baixo Miño organiza para este venres unha charla e un concerto para celebrar o Día Mundial do Parkinson que se celebra o próximo luns 11. Así nolo contou hoxe Felicitas Iglesias, deste colectivo, dando conta de que a cita será ás 17h na Sala Félix Rodríguez. A neuróloga María Gema Alonso Losada, neuróloga, impartirá a charla coloquio “Vivir coa enfermidade de Parkinson”, e a continuación haberá un concerto de tangos a cargo do grupo “Los amigos del tango”.

Mañá, 2 de abril, celébrase o Día Mundial de Concienciación sobre o Autismo. Por este motivo a asociación 1Máis celebra mañá ás 17h unha festa na Macoca da que deron conta hoxe Montse Mon, presidenta da Asociación, e Fernando Domínguez. Tamén deron conta do traballo que realizan dende este colectivo.

Mañá sábado ás 21.30h celébrase o II Encontro de Bandas de Gaitas Cidade de Tui. En princiopio está previsto na Praza de San Fernando, pero se chove realizarase na igrexa de Santo Domingo. Participarán a Banda de Gaites LaKadarma de Asturias, a banda de gaitas Nova Fronteira de Ourense e a Banda de Gaitas San Xoán de Paramos, que organiza o encontro.

Cinco pistas de slot, scalextric, están xa montadas no pavillón do IES San Paio, por parte do club MosSlot que esta fin de semana realiza en Tui, co gallo das festas de San Telmo realiza en Tui a segunda proba do campionato provincial no que se darán cita campións de España e outros afeccionados. Será mañá sábado a partir das 16h co “I Torneo Slot Festas de San Telmo”. Amais o luns celebrarase o Campionato Popular de Slot Festas de San Telmo. Así nolo explicaron hoxe Manuel Mariño, presidente, e Emilio Rodríguez, vocal, de MosSlot.