Día a Día

A Banda de Gaitas de Guillarei ofrecerá fará hoxe un pasarrúas dende a casa do concello ata a praza de Frómista dentro dos actos conmemorativos do 125 aniversario dos Xogos Florais de Galicia. Logo xa na praza ofrecerán un concerto no que non faltará o himno do Antigo Reino de Galicia. Francisco López, presidente da Asoc. Lembranzas da Terra, e Ramón Corral, profesor de percusión, explicaron o bo momento que vive a banda con máis de 50 compoñentes.

O arquivo de Valença será o escenario do concerto de acordeón en trío do acordeonista afincado en Nova York, Victor Prieto quen ademais presenta o seu novo disco The three voices.

As irmás Sara e Raquel Areal Martínez intepreterán esta tarde ao violín "Negra Sombra" e "Emigrantes Celtas de Manuel Quiroga" no acto conmemorativo do 125 aniversario dos Xogos Florais de Galicia no concello de Tui. Aproveitamos hoxe para falar con elas e coñecer os seus plans concertísticos deste verán.

Facemos repaso cos alumnos que pasaron durante estes cinco días polo Ikfem en Tui e Valença. Roque, Aida, Carlos e David son 4 dos 25 alumnos de entre 40 a 16 anos que pasaron polo festival.

Este sábado celébrase a segunda proba do I Campionato Galego de Slálom Integrador que comezou o pasado 18 de xuño en Tui. Será no porto da Guarda este sábado entre as 12:00 e 19:00 horas. Explicábao esta mañá o voceiro de Sen Amarras, Carlos Estevez.

Unha viaxe musical á Arxentina é a que nos propón esta tarde, ás 19.30h na Igrexa de San Domingos, o pianista Daniel Pereira. Co gallo do centenario do nacemento de Alberto Ginastera Daniel Pereira ofrecerá unha charla concerto achegándonos á obra e vida deste compositor que fusionou a música folclórica arxentina coa música cultura.

Ás 22h na Catedral de Tui poderemos disfrutar dun concerto único de órgano dentro do IKFEM. Así o explicaba Juan de la Rubia, organista de La Sagrada Familia de Barcelona, quen interpertará obras de BACH e improvisacións suxeridas polo público.

ÁS 19.30h haberá un obradoiro de Ioga dentro da programación do IKFEM a cargo de Vanesa Rodríguez. Será ao aire libre a carón da Pousada de San Teotonio en Valença, aberto para quen desexe participar. Do mesmo falounos hoxe Vanesa Rodríguez, que estivo no noso estudo xunto a Andrea González, directora do festival, quen fixo un balance positivo destes primeiros días.

O padeeiro tudense Iván Alonso Lage competirá o próximo mes de setembro no Campionato do Mundo de Maratón. Por este motivo un ano máis lanza unha campaña de apoio co lema "Desafío Brandeburgo". Coa venda de pulseira con emoticonos que reflicten os distintos estado de ánimo dos deportistas busca fondos para sufragar parte da temporada deportiva.

O 24 de xuño de 1891 celébraronse en Tui os primeiros Xogos Florais de Galicia dos que este ano se cumpriron 125 anos. O Concello de Tui para conmemorar esta efeméride organizou un acto para este venres á tarde no que colabora a Real Academia Galega.

As concellerías de Patrimonio, Cultura e Turismo, organizaron un programa para lembrar esta data e a súa importancia coma explicou o concelleiro de Turismo, Laureano Alonso.

A concelleira de Cultura, María José González, deu conta do programa previsto que comezará ás 19.30h no salón de sesión da Casa do Concello e proseguirá na Praza de Fromista.