O esteiro do río Miño podería converterse en Paisaxe Cultural da Unesco. Por este feito traballan o alcalde do Concello da Guarda, Antonio Lomba e o presidente da Cámara Municipal de Caminha, Miguel Alves. Para potenciar esta candidatura, os dous alcaldes realizarán mañá, xunto cun cento de persoas inscritas, unha peregrinaxe polo Camiño Portugués da Costa, que sairá desde Áncora e rematará en Mougás. Así se refería o alcalde guardés a este feito na RMT.

Tanxarina chega mañá ás 18.30h ao Teatro Municipal de Tui para pór en escena “A casa do avó” para público familiar.

Hoxe falamos con Eduardo A. Rodríguez Cunha “Tatán” un dos actores manipuladores xunto a Andrés Giráldez Río e Miguel Borines Fernández. A dirección corresponde a Cándido Pazó.

As entradas están á venda en www.culturatui.info ata mañá sábado ás 12h ou o sábado dende ás 17h no despacho de billetes ao prezo de 3,5€ e 2,5€.

Celso Parada protagoniza a comedia "Presidente" que Teatro do Morcego presenta hoxe ás 21h no Teatro Municipal de Tui. Completan o elenco Mercedes Castro, Federico Pérez, Iolanda Muíños e César Goldi. A obra trata dun tema de máxima actualidade e está a ter unha gran acollida por parte do público. As entradas poranse á venda esta tarde dende ás 19.30h no despacho de billetes ao prezo de 7€ e 5€.

O concelleiro de Turismo, Laureano Alonso, destacaba na nosa sintonía a importancia que ten poder contar cun posto propio no pavillón 2 da BTL. O investimento que realiza o Concello na feira é de 4 mil euros.

Precisamente Tui estrea nesta feira material promocional novo elaborado polo obradoiro de emprego “Descubre Tui 2015” clausurado esta semana. Pero amais tamén se leva material promocional de restauración e hostalería local e de empresas de turismo activo, e do Campus Joe Arlauckas. E os que se acheguen ata a BTL poderán ollar tamén tres maquetas do conxunto histórico, a catedral e a vella ponte internacional cedidas por un particular.

Tamén se referiu á recuperación das visitas guiadas ao conxunto histórico en Semana Santa, ao record de participación na V Eurocidade BTT, e ao convenio renovado coa FEGABA

Mañá proxéctase no Auditorio de Goián a comedia “Unha pomba pousou nunha pola a reflexionar sobre a existencia", pertencente ao Ciclo do Cineclub Poleiro. A película conta con humor a vida de dous perdedores de entre 50 e 60 anos, dous vendedores de artigos de broma que viven nunha casa abandonada e teñen tres encontros coa morte. Así nolo explicou Ramón Álvarez, organizador deste ciclo de películas.

Amizade Cerveira- Tomiño é o lema baixo o que as dúas vilas presentan un proxecto europeo que busca fortalecer a cooperación entre os dous municipios en distintos ámbitos de traballo. Esta candidatura forma parte de accións contidas na Axenda de Cooperación Transfronteiriza Cerveira- Tomiño da que nos falou Sandra González, alcaldesa de Tomiño.

Amais, tamén falamos do Tomiño é Humor, unha serie de actuacións para este mes de marzo onde a risa é a protagonista.

Récord de participantes para a V BTT da Eurocidade que se disputa este domingo. Segundo Eduardo Fernández, da Peña Ciclista Biciosos Rías Baixas, organizadores da proba, arestora teñen 930 inscritos. Aínda se poden realizar inscricións, xa que o prazo remata ás 12 desta noite. As estimacións é que participen preto de 1200 participantes. A saída terá lugar ás 9h dende Valnça e haberá unha ruta curta e outra longa.

Hoxe cúmprense 202 anos do nacemento do Bispo Rosendo Salvado, figura importantísima para a cidade de Tui e con sona en Australia. Precisamente, no país das antípodas realizáronlle no día de hoxe unha homenaxe a Salvado, inauguraron o Camiño de Salvado, un tramo que parte dende Suriaco ata Nova Nursia e que se establecerá como ruta permanente de peregrinaxe. Así nolo contou Javier Rivadulla, tudense interesado pola figura de Rosendo Salvado.

O 31 de marzo e o 1 de abril terá lugar no Espazo Xove de Tui un curso de contacontos de 16.30h a 20.30h. Un chisquiño antes, o día 18 de marzo haberá un obradoiro de artesanía de 17.30h a 19.30h. Poderanse realizar as inscricións para ámbalas actividades chamando ao 886110797 ou acudindo á súa sede, na Rúa Sanz

A Asociación de Comerciantes e Industriais de Tui, ACITUI, promove varias iniciativas para as vindeiras semanas co gallo de incentivar o comercio local, como son Saborea Tui, a Feira de Oportunidades, a Campaña do Día do Pai ou a recuperación da Feira Agrícola polas Festas de San Telmo.

Este venres dará comezo Saborea Tui, na cal todos os venres e sábados do mes de marzo, dende as 19h ata as 23h os hostaleiros e restauradores de Tui ofrecerán un petisco de balde con cada consumición. Esta fin de semana tamén terá lugar a Feira de Oportunidades na Glorieta de Vigo.